خربشة قصة

القصة76

#يلا الناس تحاول تتماسك 🙂🙂 ، حنان وطولة بال زي دا 😭😢

#خربشة_قصة

_ محتاجة حاجة لحدي ما أرجع ؟

_ لا

رديت بإقتضاب ونفور ، ما إنتبه لانو كان مدنقر بلبس جذمتو ، قام علي حيلو وجا باس راسي ، بس بعدت منو  عشان ما أحسسو بنفوري منو .

بالكلمة دي بتحسوا إني مقصوبة عليه وما بطيقو ، بس علي العكس  راضي دا الهوي البتنفسو  ، ايوا فعلا زواجنا تقليدي بحت كان ، بس خلال مدة بسيطة خلي يومي ما بكمل الا بيه

ما عارفة سبب كرهي الفجأة الجا ليه  .

كالعادة برسل لي رسائل خلال دوام شغلو 

" تعرفي هسي انا جعان ، بس ما بطني من  شوقي ليك يا حنان "

كنت برد ليه وببتسم بس طميت حرفيا من رسايلو ، انا زاتي بعد مرات أجي أقعد مع نفسي وأقول ليه أنا كرهتو كدا .

.....

_ حنان مالك ؟!

سألني لمن جا حضني بس قرفت منو

_ راضي أبعد بتخنق من ريحتك

بعد مني شوية وفضل يعاين لي بتعجب ، قايلني بهظر بس لا .

_ حنان بطلي أنا مشتاق ليك....

_ راضي زح مني قلت ليك

إنفعلت شديد  وبعدتو عني بقوة  ، نفسي علي وهبط وأنا بعاين ليه كانو وحش ،  انفعلت اكتر وصرخت

_  ما طايقاك ، أنا بتخنق لمن تقعد جنبي أو حتى أسمع اسمك ، بكرهك ، البيت دا كل ما أطلع منو بحس كأنو روحي رجعت لي  ، عايزة أمشي بيت امي يا راضي ويا ريت لو تطلقني

بقيت زي المجنونة وأنا بتكلم معاه ، هو فضل يعاين لي بهدوء ودا الغاظني أكتر ، شلت الجنبي كانت مخدة ورميتا فيه ولسا بفتش البجدعو بيه بس ما لقيت

_ حنان اهدي ... اهدي قلت ليك

في الاول قال بهدوء بس تاني قالا بنبرة صارمة  ، بحزر جا جنبي وحضني وانا بحاول اتفكي منو  ، بكيت شديد وبحاول أبعدو مني

_ زح مني أنا ما طايقاك أبعد

قلتها برجاء بس هو فضل ماسك فيني قوي وبحاول يهدي فيني  .

_ مالك بس يا حنان

قالها  لي بهدوء وحنية  قلت ليه بانفعال

_ بس  توديني بيتنا وتطلقني كدا برتاح

زفر كم مرة  وقال

_ طيب خلاص تمشي بيتكم كم يوم وتروقي

_ ما عايزة أروق معاك بس تطلقني

ما عبرني ، مشي علي شنطتي ولم فيها هدوم كم يوم

_ دي شنو ؟  هدومي كلها حأختها في الشنطة