خربشة قصة

القصه التامنه

_لا ماااا بحبووو ،مستحيل احب تاني
دا مجرد تعود واعجاب ساي ، اي ما حب ما حب

كنت بضغط راسي ومغمضه عيوني وانا بقول الكلمات ديك
كنت بحاول ابعدو من تفكيري الفي كل ثانيه بيزيد
كل ما اقمض عيني اشوف خيالو قدامي ، في كل ثانيه ومع كل دقه قلب هو في خيالي .

انتفضت من الافكار دي ،راسي وجعني من التفكير فيه زي كل يوم .

تلفوني اعلن اسمو في شاشتو ، قلبي زادت خفقاتو وجسمي برد كأنو مطلعني من تلاجه ، تنفسي زاد اكتر واكتر .
جرييت نفس طويييييل وطلعتو ، كنت خاته يدي جهه قلبي يمكن يهدء من اضطرابو .
اخيرا هديت ورديت وانا بتصنع الضيق وبغش نفسي اني ما عايزه اسمع صوتو

_الووو
ياااخ ببساطه كدا لمن قال الوو جهجهني وقلب كياني ،بس بمجرد الووو
طيب كيف لو اتكلم يعني ؟؟
ما رديت عليه لاني لو اتكلمت كان بان شوقي ليه في صوتي

_ريم ردي علي ، انتي ليه بتعملي فيني كدا؟؟
، انا بحبك وبموت فيك يااخ
الجواي انتي براك شفتيه من تصرفي .
انا عارف ومتأكد انك بتحبيني ودايراني زي ما دايرك بس انتي عنيده وبتكابري وبتغشي نفسك ما اكتر

دمعتي نزلت لانو كلامو مسا جزء من قلبي بس برضو بكابر وبعاند نفسي ما بارادتي ، قصب عني

_لا انا ما زي ما بتقول انت بس قريبي وود عمي ما اكتر .

جر نفس طوييل وطلعو وقال بانفعال
_تاااني تاااااني يااخ انتي ما بتفتري انا متأكد يا ريم انك بتحبيني بس بسبب الزفت  داك انتي بتعاندي .

افهمي انو انا ما زيووو انا ما وضيييع لدرجه المخلوق داك الاذاك ،

انا قلبي بقى ما لي ، كل ما احاول ابعد عنك واقول ما دام عنيده كدا انا ذااتي بتقل وارجع باقي كرامتي واعرس واحده
عشان تندمي وتعرفي هباله البتعملي فيها دا

بس لمن افكر مجرد تفكير انو اكون ما واحده تانيه غيرك بضايق ونفسي يكتم
يااخ حسي بي ، حبيتك من زمن طويل وصبرت علي عدم حبك لي

لمن يجي اليوم التحبيني فيه اخليك ببساطه كدا ؟؟! .وعشان شنو عشان عنادك وحادث مر عليه اكتر من سنه

مستحييل يا ريم ما بخليك يعني ما بخليك افهمي دا كويس .

لحظتها دموعي ملت وشي ، شهقاتي بقت عاليه من كتره بكاي قلت بانفعال  قطع اوتار احبالي الصوتيه

_انت عارف احساسي كان  شنو لمن لقيت  مرتين  يدقوني يوم حنتي  وينبذوني  ويقولو لي يا سراقه الرجال
تعرف الاحساس لمن اكتشف اني كنت مجرد لعبه من واحد وضيع كان عايز يقضي معاي يومين ويطلقني بعدو ،
قلت بانهيار  اكبر

_تعرف الشعور لمن احس اني ما من العالم دا وانو اذاني وقلل من كرامتي لا وكمان يتهمني بابشع الطرق ويفتري انو غلط معاي عشان كدا عايز يداري غلطو دا ويعرسي،