خربشة قصة

القصه 25

#خربشه قصه

في يوم طلعت من البيت متأخره...😱😨😨

وقلت خلاص الامتحان حيفوتني..😭😭😭
وانا جااريه بصلح في لبسي لانو ما عندي زمن في البيت 😣

وصلت للمواصلات شبه جاريه ونفسي قايم 😫😫
ما في اتر لعربيه 😭😭

قلت اركب اتس اصل 😔😔
فتشت القروش ما لقيتها 😭..من الاستعجال نسيتها  😭 ما في غير 10جنيه..تكفيني لمواصلات بس اتس لا😭😭
فضلت واقفه وناس معاي نحاول نوقف عربات خاصه توصلنا بس اي عربيه تفوت وما تقيف 😔😔

عاينت للتلفون لقيت فضل للامتحان نص ساعه بس 😭😭😭

وعايزه علي الاقل ساعه كامله عشان اصل الجامعه ...😨

خلااص بقيت ما بشوف قدامي من الدموع الفي عيوني ...😭

يدي بدت ترجف خلاص 😢😭
ما في امل لو جات عربيه كمان ما بصل في الوقت وما حادخل الامتحااان 😭😭😭

..اتصل لي رديت ..ووريتو وانا ببكي 😭
...كان لسا صاحي من النوم 😪😪 ..بسرعه اقرب موتر جاني جاري بيه 😍

حتى عيونو وسخانه من النوم 😂😂

...ركبت وبسرعه جاري بي جري بالمرتر عشان اصل ...😍😍

كان بيقول لي ما تبكي حنصل يا بت ..اهدي ...قربنا خلاص ..كدا حتنسي كل القريتيه...😍😍

..وفعلا وصلت وفضل للامتحان عشره دقايق ويبدا  ...

قال لي : كدا خلاص وصلتي قبل زمن الامتحان كمان ...امشي غسلي وشك واهدي ...😍😍
غسلت وشي وقعد معاي لحدي ما دخلت الامتحان حتى مشا 😍😍

بعد الامتحان خلص وطلعت مبسوطه. ..اشتقلت فل 😍😍بالرغم من الجهجه الحصلت لي 😂

فتحت تلفوني لقيت منو رساله : لو طلعتي اتصلي علي ..انا قريب من الكليه ..😍😍
فعلا اتصلت عليه وجا بظرف دقيقتين.

قلت ليه : ياااخ انت نعم الصاحب ما بعرف كان حيحصل شنو لو ما جيت انت 😍

نزل من الموتر وقعد جنبي وسألني من الامتحان ...بعدو قال لي اكيد جيعانه يلا اركبي نمشي ناكل ..😍😍 انا ذاتي جيعاان

بعد اكلنا بدينا نتذكر الحصل ..وانا بقيت اضحك علي منظرو وكيف كان منكوش شعرو ...😂
والقميص ما لابسها سمح ولا مزرره ... ..قعدت اضحك عليه ..😂😂😂

كان بيضحك معاي وفجأه وقف من الضحك وسرح فيني وقال لي انا بحبك يااخ ..😍😍😍

قربت ابلع لساني من الصدمه ...😍😍💖💖💖...

ما كنت مصدقاه بس عيونو البتبرق اكدت لي كلامو واهتمامو الزايد بي خلاني اثق بالبقولو...😍😍

قعدت اتلفت واعاين يمين وشمال ..وقلبني القعاد عديل ..وقفت وقلت ليه ..انا ماشه ياخ ..😂😂😂

قال لي : ما متعود على خجلك انا 😂😂😂
اقعدي وخلينا نتفاهم عشان اقدر اجيب اعمامي وابوي عشان نتقدم ليك ..😍😍
.
من الصدمه والخلعه قعدت وقلت ليه : لكن بالسرعه دي ..وكييف ..و ...😱😱😨

قال لي.  يا بت الناس والله العظيم لو بمرادي نعقد مش اتقدم ليك ..😍😍

بس عايزك تكملي قرايتك ...

قلت ليه بخجل  : انت شنو الخلاك تعترف لي الليله بالذات 😍😍🙈

قال لي : والله ما عارف
، لمن شفتك الليله بدموعك دي ما قدرت اتنفس واضايقت .🙈🙈

.كان مستعد اعمل اي حاجه عشان تسكتي ...🙊🙊

عرفت لحظتها اني ما بقدر استغني عنك وميت فيك .🙈🙈🙈

.كان قايلو  تعلق عادي بيك بس طلع اكتر من كدا ومستحيل اجاسف بحبي دا وانتظر الا اتأكد انك حتكوني لي .... 😘😍😍🙈🙈

كان اليوم داك احلى يوم في حياتي 😍😍
ما اتصورت يوم انو بحبني ..وغير كدا ما اتصورت اني انا بحبو نهااائي اكتشفت كدا لمن اعترف لي بحبو ...😍

فعلا جا واتقدم لي .😍
.وخلاني كملت دراستي حتى تم العرس ... 😍😍
يوم العرس دا يااااخ اسوأ واحسن يوم في حياتي ...😂😂😍

اسوأ من كميه الخجل الخلتني اتعولق ...🙈🙉🙉
واحسن عشان بقى لي وبقيت ليه ...🙈🙈

صداقتنا قلبت فجأه حب من غير ما نحس بيها ...😍😍
والحب دا بسرعه دق باب البيت وبقي حب حلال😍😍😍

المواقف السيئه البتحصل للزول دي ما معناه انو القدر معاكسنا او اننا ما محظوظين 💖.
.لكن الحاجات السيئه دي بوراها حاجه سمحه بتحصل سواء قريبه او بعيده ...😊
بقيت اتفائل بالمواقف السيئه...وبكون واثقه انوبعدها الاحسن دا كلو بسبب الموقف داك هو العلمني كدا 💖

......................
انتظروني في الجديد وللمزيد زور صفحتي للروايات في الفيس بوك
#روايات_هبه_الله_حسن
♥️♥️♥️♥️♥️♦️