#الجزء تاني وصل للمجنونة افنان 😂😂😂
#خربشة_قصة
_ سجمي ! دا شنو العملتو دا يا رمّاح ؟!
اتوسعت عيني من الصدمة ، بعاين ليه وليدي الباسها دي ، هو عجز عن الرد وفضل مبحلق فيني
قفل خشمو وبعدو ابتسم بسمة استفزاز ومال علي خدي وباسها .
نطيت بعيد منو و تاني جيت عليه ودفرتو من صدرو بغضب
_ والله بكلم عمتو يا رمّاح ،من متين اتعلمت قلة الادب .
رفع حاجب واحد
_ لا جادة يا أفنان !
- ايوا جادة بكلم ليك والدتك ، استغفر الله يا رب ، انا عرست واحد قليل ادب .
شوية كدا ولقيتو قعد يضحك بكل قوتو ، يرفع عينو ويعاين وتاني يزيد ضحك
_ الحمد لله علي ابتلاء الله .
جيت قصادو منفعلة
_ قصدك شنو بابتلاء ، يعني انا مصيبة مثلا !
إعتدل يعاين لختتة يدي علي وسطي ببسمة وقال
_ أحلى إبتلاء والله بتوبك الاحمر دا .
وقتها يا داب استعدت ذاكرتي ، نطيت وختيت يدي على خشمي
_ الليلة ! أنا نسيت اني عرستك .
_ لا والله !
_ بجد والله ، ما مهم أنا جعت شديد ، مسافة أغير تجيب لي المحمر والمشمر .
_ لا لا لا دقيقة ...
وقفت من لهفتو
- في شنو ؟!
_ ما تغيري انا ما صدقت لقيتك سمحة كدا ولا قايلاك سمحة جدا اصلا ياخ
_ دا قليل علي العندي ..
قلتها بتكبر
_ قلتي كدا يعني ...
قالها واسنانو مع بعض ولزاني
- ايوا كدا ، وبراحة ما تلزني ماشا بس جهز انت المشمر والمحمر
_ ما في ليك تاكلي الليلة ملاح بامية بس .
_ نعم ؟!!
_ نعم الله عليك يا أفنان
_ انت بتهظر ، ما ماكلة من الصباح عشان آكل السمح هسي تقول لي بامية.
_ يعني ما ماكلة لخجل ولا توتر
_ اطلاقا ، دا سبب ليك هسي ، كدي زح النمشي نعاين الشقة.
ومشيت خليتو واقف ، طلعت كعبي العالي ، فتحت شنطتنا ما لقيت سفنجتي فشلت حقتو لقيتها اقرب .
بعد مدة غيرت هدومي في الحمام بترينك ولبست سفنجتو
عاين لي من فوق لتحت
أنت تقرأ
خربشة قصة
Cerita Pendekكل جزء قصة مختلفة ، قصيرة ودسمة ، لو بتحب الرومنسية أو بعد مرات الحزن والضحك والدراما ، حّضر مناديلك وتساليك وإتفضل إستمتع بكل قصة . مع تحياتي هبه الله حسن ،،،،، ويمكنك زياره صفحتي للروايات في الفيس بوك #روايات_هبه_الله_حسن لكل جديد وحصري
