خربشة قصة

القصة 72

#براحة الغبار يجيب حساسية يا ناس😂😂😂

#خربشة_قصة

" يا حليلك ، حتقضي شهر عسلك في رمضان كيف ؟ مسكينة !"

" ما حتشوفي شيء في عرسك "

كتير كلام بسمعوا  منهم عن إني ما حإتهنى في عرسي عشان حيصادف رمضان .

_ مبروك ليك ما إنو رمضان فاضل ليه يومين ما حتمشي شهر عسل

_ الله يبارك فيك

رديت علي جارتنا الجات تبارك لي لمن طلعت للناس يوم عزومتي .
إكتفيت بس باني ارد ليها المباركة ، وللحق كنت مضايقة ، عرسنا عملناه بعد تلاتة مرة يتأجل فما في طريقة نأجل تاني مرة .

......

_ مضايقة من شنو ؟

مال علي وهمس أثناء ما بجرتكونا   ، لاحظ لي بالرغم من إني ما مظهرة حاجة ومبينة .

ما رديت ليه   ، سكت  ونزلت راسي اكتر فواصل

_  حتحكي لي يا  معراج بعدين كويس

خجلت من ميلتو وهمسو فهزيت راسي سرعة  عشان خجلانة  وكل ما يميل علي الحولينا يزغرتو .

.....

_ نورتي حياتي وقلبي

خلعني لمن حضني بمجرد ما دخلنا  شقتنا

_ عايزك تاخدي راحتك ماشي وجاي عشان نتكلم

فعلا خلاني أخدت راحتي وجا معاه دفتر وقلم  استغربت بس سكت

_ تعرفي أنا مبسوط قدر شنو عشان عرستك بس فرحتي زايدة أكتر ، تفتكري ليه ؟

نزلت راسي خجلانة من نظراتو البتلمع وهو بعاين لي

_ ليه ؟!

_ عشان ربنا أداني رزقين  اول العرس منك وتاني في أيام مباركة زي رمضان

سكت يشوف ردة فعلي وتاني سألني

_ بس قبل اي شيء حاسي بيك مضايقة ولا في شيء ما مرتاحة ليه ، قولي لي مش إتففنا ما ندس شيء من بعض

لعبت باصابعي متوترة وقلت

_  كلهم بقولوا لي انتِ نص عمرك ضايع ، كيف زول يعرس ورمضان بعد بكرة  ، واليقول ما بتضوقي حلاة العرس والطلعات وكتير من الكلام الضايقني

- يعني دا المزعلك ؟

سألني بهدوء فهزيت راسي  ، مال علي جبيني  باسها وقال

_ حقك علي انا علي السمعتيه من كلام الناس ، بس أنا شايف إننا بختنا

- كيف ؟!

_ شوفي الدفتر المعاي دا ، حنكتب فيه برنامجنا سوا ، من السحور ولحدي لمن ننوم .

إتعدلت في قعدتي لمن شفت حماسو ، مسك الدفتر وبدينا نخطط لاياماتنا في رمضان