خربشة قصة

القصه التانيه

💖    ســــــنــــــــــدي 💖

جيت ماشه وما عارفه اني ماشه ولا دايخه 💔
...ابكي ولا اصرخ ولا اقع ادردق في الواطه ....💔

انزل دموع من عيني ولا دم ....💔

لسا الكلمه بتتردد في اضاني ...ورم ورم.... ورم .....💔

خلاااص طشااااش قدامي ...وعيوني اتكسرت وانا اتكسرت ...💔

بسند وصلوني سريري ورقدت ....💔

بكيييييييت حتى جفت دموعي 💔

...تاني شديت حيلي لمن اتذكرت الدكتور قال شنو ...:

في ورم ...لكن ما معروف سلطاني ولا حميد. .....💔

تلفوني بيضرب وانا ما سامعه بيرن ولا لا .
.ما صامت بس ما قادره اسمعو ...لحدي ما يقفل. 💔

كانت امي جنبي وتصبرني 💖
...تجي اختي وتدردش معاي عشان تنسيني ....💖
اخوي يجي يشاغل فيني ويقول :يا جراااسه انتي الزيك ما تجيه حاجه بس تقومي من سريرك دا تغسلي لي هدومي ....💖

ابوي يجي يتونس معاي ويعظني ..💖

رفعت تلفوني واتصلت لحبيبي ...انتي وين؟  ما بتردي. ..

معليش كنت في المستشفى وطلع ورم
ما معروف سلطاني ولا حميد ...💔

كسره صمت وتاني قال: ما تخافي كلو خير ما في شئ كعب.
قفلت منو بس ما زاد فيني وما اثر فيني كلامو حسيتو ما من قلبو ...💔

اتصلت صحبتي وبلهفه سألتني : اها بقيتي كيف؟
والمستشفى حصل فيها شنو؟  ..حكيت ليها ...💔

بس دي بكت معاي 💖 ...فنجططت بس تاني رجعت صبرتني 💖
.قفلت مني ...ما تمت ساعه الا ولقيتها جنبي ...💖

تجيب وتخت لي ...تصبرني وتحاول تزح كل الاوهام من راسي ...💖

للمستشفى مشت معاي وشالو العينه مني للفحص ...
فضلت معاي لحدي وقت طلعت العينه شنووو ..
حمييييده ..الحمد لله ورم حمييد .. 💖
كانت بكل ما تعنيه الكلمه من معنى سندي ...💖
وقفت معاي في محنتي وما خلتني ....💖
كل صحباتي كانو عافين بالحاصل لي ...بس اي واحده اهتمامها بيتفاوت من التانيه وما في واحده غيرها وقفت زيها لي 💖
اما دااااك  الكان فاكراه حيشيل الدنيا كلها ويكورها ويهديها لي ..
ياااا حليلي واوهامي الكانت في راسي
... اتخيل ليه انو لعبتو دي مدتها انتهت وان اجل فراقها وتركها ....

جيت البيت وجنبي صحبتي سندي ....
شلت تلفوني واتصلت ليه ونويت اختبرو وحبو لي  وقلت :

طلع سلطاني وانا عايزه اتم باقي حياتي معاك لو صحي بتحبني ...💔

يا بت الناس انا بحبك بس دا ظلم لي وليك ...💔

قاطعتو قبل يتم كذبتو وقلت ليه : الحمد لله متعافيه ...
ما من الورم الحميد الطلع ما سلطاني لا ...
بس اتعافيت لاني عرفت ناسي💖

..وللاسف طلعت من قائمه انسانيتي 💔
....ما زعلت بالعكس ...عرفت مقداري وقيمتي عند الناس ...💖

وكيف ازعل ولقيت واحده قاسمت كل حزني وفضلت جنبي في احلك ايام حياتي 💖

شلت ورقه وقلم...كانت جنبي  ... سألتني بتكتبي شنو؟ 
قلت ليها : بعيد ترتيب قائمه الناس في حياتي ..  💔

الحياه بتديك دروس ومن مواقف حياتك بتعرف الناس البحبوني. 💖

كتبتهم وصنفتهم ....

قالت : بس وين اسمي ما شايفه ليه اتر في قائمه الناس في حياتك ..؟

ابتسمت وقلت ليها ...

هسي انتي شايفاني  كتبت ناس بيتنا من امي واختي واخوي وابوي..!!
..لا لانهم ديل في قلبي. ..💖

وانتي يا صحبتي ما تستحقي يكتب اسمك في ورقه وبعدين تترمي ...💖

انتي محفوره حفر في قلبي ..💖

لانك يا 💖صـــــحــــبتـــــي ســـــنـــــدي 💖

الله يخليك لي ...💖