خربشة قصة

القصه الرابعه

قصه حقيقيه ...

العادات والتقاليد علي العين والراس ، بس لمن تكون فيها ازيه او احتقار ومزله ومبنيه علي الجهل  اخير عدمها ....

بتحكي ...

انا حبيت واحد ..💖
وجا اتقدم لي ..💖
.بس اهلي رفضوه 💔
؛ لانو عنهم في عاداتهم الا البت تعرس من اولاد اعمامها .
ولو ما دايره منهم واحد ما بيجبروك دي الحاجه السمحه فيهم...

لمن اتقدم لي رفضوه وقالو ليه : الاولى اولاد اعمامها 💔..
واذا كلهم انتهو حتى الوقت داك ممكن تجي.💔

علي العموم رفضوه ...💔

طلبني ولد عمي ..ورفضتو ..
لمن استسلم اني ما عايزاه، مشا اتزوج . ..
انا فرحت لمن اتزوج
..طوالي اتصلت لزولي داك وقلت ليه تعال ...💖
لمن جا اتقدم لي، جا ولد عمي الرفضتو دا   وقال: ما تعرس ...وانا عايزها 💔

عندنا في عاداتنا الابو دا ما عندو كلمه قبل اخوانو ...يعني اعمامي ..
اليقولوه يمشي . ...💔

بقى عندي خيار ين
يا اعرس ولد عمي
ويا اقعد ساي من غير زواج
وانا اخترت اقعد من غير زواج افضل من اعرسو.💔

حاليا عمري في الاربعين ...وقاعده من غير زواج بسبب ولد عمي.

#كسره
في عادات كتيره في مجتمعنا ظالمه، وما تنتمي لا للانسانيه ولا للدين ...ودي غالبا تجي نتيجه للجهل .

الاجدر انحنا  الواعين نحاول ننبه الناس وننشر الوعي بينهم؛ عشان ما نظلم ولا ننظلم.