#أنا جييييت ❤️❤️❤️ مين اشتاق لي ✋✋😂
#خربشة_قصة
_ مالك بتحمر لي كدا ؟
_ وهسي فضيتي لي ، لا شوفي حمودي وبودي حقك بقول شنو
رد لي ، طوالي عاينت لحمودي ، ما كنت قايلة كلامو فيه زعلة ولا غيرة ، لحدي ما بست حمودي في خدودو
محمد هو ولد اختو المتوفية ، أصريت يقعد معاي اسبوع لاني بحبو جدا ، تم سنة وكم شهر ، فما اتوقعت يغير منو ولا في احلامي
_ عايني جضمو التاني ما بستيه فيه .
عاينت ليه فاتحة خشمي من نبرة غيرتو ، بعدها ضحكت شديد لمن دمعت وقتها مشي المطبخ يفتح التلاجة ويرجع يقفل فيها من غير سبب كم مرة ، ونظراتو علي وانا بحاول اوقف ضحكتي
شلت حمودي مشيت عليه ، لمن شافني قبل علي التلاجة عامل بيها بفتش شيء
_ عايز شنو اديك ليه ؟
سألتو وقبل ما يتكلم مهاب ، حمودي الشايلاه اشر بيدو جوا التلاجة وقال
_ تن داك
بقول لي بدل تمني "تن" وانا من نظراتو البريئة ما استحملت وقعدت ابوس فيه كتير ، شلت الحلاوة المؤشرا لي واديتو ، وما انتبهت للشافع التاني وهو راجلي البعاين لولد اختو بغيرة كأنو راجل كبير .
لاحظت كدا نزلتو وقلت ليه
_ اجري يلا يا حمودي أكل حلاوتك دي وامشي ألعب بلعبك ، كويس حبيبي ؟
هز راسو ومشى علي ألعابو وانا مشيت لمهاب حاوطت يديني الاتنين حولين رقبتو وقلت
_ اها احكي لي
زح لي يدي وقعد ماسك تلفونو
_ مهاب يعني بالجد انت زعلان ؟
_ تمني امشي مني يا بتاعة حمودي حبيبك
ضحكت وقعدت جنبو بحاول اراضيو مسكت جضمو زي الشافع
_ وحلاتي والله اتاري انا عندي اتنين حمودي
حمر لي فضحكت
_ خلاص يا مهاب ، دا شافع لو ما ملاحظ
_ ولو ما ملاحظة مهملاني انا ومهتمة بيه اكتر مني ، اقول ليك شيء ، جهزي ليه شنطتو ماشي اوديه
_ مهااب ياااخ ، يا داب دا تاني يوم ليه ، واتفقنا يقعد اسبوع
_ اففف
_ طيب عشان ترضي بدلعك زي حمودي
عاين لي متردد بين يوافق ويتنازل
_ اا لا
_ مهاب ياخ
_ أبيت
_ عشاني ، ترضي تزعل تمني حبيبتك
_ ااافف بس بشرط اي حركة وبوسة ليه لازم انا الضعف تديني ليها
_ ليه ؟
_ مزاجي
ربع يدو زي الشافع فاتفقعت ضحك وحضنتو
_ حاضر يا قلب قلبي ، ودا حق قبل شوية يلا
ابتسم وحضني زيادة وقال
_ اقول ليك حاجة حمودي دا حبيبي ياخ رأيك شنو يقعد شهر شهرين كدا
مع العلم العقاب بيستمر
ضحكت وقلت
_ ايواا قول مصلحتك
_ لازم .
......
كنت نايمة حسيت بصوت بناديني كان صوت مهاب ، فتحت عيني لقيتو مقاصدني ومركز فيني ومبسوط
_ العيون دي في يوم بتقتلني يا تمنى
_ طوالي بقلعا ، الا واذى راجلي
باس لي عيوني الاتنين وقال
_ عارفة الليلة شنو ؟
عملت نفسي ما عارفة وقلت
_ يوم شنو ؟
رفع حاجب واحد نظام انتي ما جادة ، ضحكت وقلت
_ وانا اقدر انسى اليوم العرستك فيه
زفر وقال
_ اليوم دا مستحيل انساه لو انتِ في يوم نسيتيهو
مستحيل انسى كيف وقفتي في صفي وقلتي عايزة بالرغم من الحول الفي عيني البسببو إعترضو علي اني اعرسك
_ انا عايزة اقول ليك سر ، حول عينك اجمل شيء فيك والله العظيم
ضحك وقال
_ وانت احلى حاجة في حياتي ، بح...
_ تن
قطع كلامو لمن ناداني حمودي وركب السرير قصادي ، ضحكت انا وهو مسكو هزاه بس بشكل هظار خلى حمودي يضحك لحركتو دي
_ انت ما ينفع تقعد هنا ولا ثانية يلا نمشي
_ لاا يا مهاب عليك الله عشاني ، انا بعوض اي شيء يعملا
خت رجل فوق التانية واشر علي خدو بغرور مصطنع
_ ما دام كدا بسرعة تعالي نفذي عقابك ، يلا يا روحي .
أنت تقرأ
خربشة قصة
Short Storyكل جزء قصة مختلفة ، قصيرة ودسمة ، لو بتحب الرومنسية أو بعد مرات الحزن والضحك والدراما ، حّضر مناديلك وتساليك وإتفضل إستمتع بكل قصة . مع تحياتي هبه الله حسن ،،،،، ويمكنك زياره صفحتي للروايات في الفيس بوك #روايات_هبه_الله_حسن لكل جديد وحصري
