خربشة قصة

القصة 81

#الخربشة دي جزء تاني من خربشة رقم 80 😁😁

كل سنة وانتوا طيبين ، بقبل العيدية رصيد  وممكن بنكك ولو كاش في اليد تمام 😂😂😁😁😀🤓

#خربشة_ قصة

_ خلاص قدر يسيطر عليك يا أحلام ؟

سألتني بت عمي ، عاينت ليها بضيق

_ يسيطر علي كيف يعني؟!!

_ يعنى رجعتي للبسك الفات ،مش كان اديتك من حقي ، ليه ما تشتري هدوم زيها

_ هو زمان مش خليت اللبس دا قبل حتى ما يتقدم لي ؟ ليه ارجع ليه واظن حسمنا موضوع اللبس والموضة دي

_ هو عرسك ايوا بس ما بحبك عايزة اجتهاد عش...

_ ما ضروري الحب علي فكرة  ما دام في الاحترام والتقدير المتبادل بيجي الحب براه بعدين

_ يا زولة دا كلام ساي ، الحب اساس، ولو ما حب بيلقى الحب برة وفي محيط شغلو .

قبل ما أرد ليها ، رن تلفوني باسم رياض   ، اتكلمت معاه قال فيها اجهز عشان هو في الطريق علي .

_ يعني خلاص ماشا ؟

_ ايوا  ، في الطريق رياض جاي

جاوبت لبت عمي  وانا بجهز نفسي عشان لمن يجي طوالي نطلع

_ وطيب موضوع شغلك عملتي فيه شنو ما فكر يرجعك تاني ؟

_ ما سألتو

_ لو ابى يشغلك انا عندي ليك شغل ظاابط عديل .

مشّيت الموضوع ، جا رياض وركبت العربية معاه ، اول من ركبت مال باس جبهتي وسأل

_ اها كيف قيلتي ؟ والصداع مشى ولا امر بصيدلية ؟

_ لا الحمد لله  ، تسلم

ابتسم وساق العربية ، بتونس معاي وبحكي لي وانا سرحانة في كلام بت عمي .

_ أحلام ... أحلام وين سرحتي ؟!!

_ لا ولا شيء

نفضت كلامها من عقلي ، المرة الفاتت لمن سمعت كلامها عملت حاجات غلط وما رضيتها لنفسي ، عشان كدا المرة دي ما بخلي كلامها يأثر فيني .

......

نص الليل كنت بتقلب ، كلامها بزن في راسي ، معقول عشان ما حباني يلقي حبو برة ، ما بقدر وبموت لو حصل ، اتنفضت قاعدة

_ بسم الله في شنو

مسحت وشي وقعدت نص السرير ، هو زاتو قعد مستغرب

_ رياض انت ما حبيتني ؟

_ في شنو يا احلام ؟

_ ما في حاجة بس عايزة اعرف ، ولو حبة ان شاء الله بداية ميول .

ضحك وحرك راسو علامة يأس

_ يا أحلام انحنا مرتبطين ولا في بداية علاقة لمن تسأليني سؤال زي دا البينا زواج يا أحلام ، يعني اكبر من سؤالك دا ، ارقدي يا احلام تصبحي علي خير .