خربشة قصة

القصه12

كنت راجعه من مشوار👣 ماشه علي البيت🏚🏠 منتظره مواصلات بس ما في اتر لعربيه 🚎🚕

_هسي انا اعمل شنو الليله 😱😱 وووبين مش وووب😓😪؟؟!

قلتها بضيق كبير ،قربت ابكي عديل من الحاصل لي 😣😖
بدت تنقط المطره وشويه كدا شدت اكتر واكتر 😵⛈⛈
كنت ماشه بسرعه كبيره وعقلي ما قادر يفكر من الكنت فيه😫🏃

اتبليت فوق تحت من المطر 🙆 ،وانا جاريه كدا سمعت صوت ينادي علي🗣

_يا بت يا بت

كان صوت ولد واقف تحت مظله جنب بيت باين عليه مهجور 🏚

، كانت المظله ما واصله ليها المطره ☔

جريت بسرعه للمظله ووقفت
اخدت  نفس عميق بعدو يا داب عاينت لمنظري😧

كنت عباره عن حاجه مبلوله😞 ، ما في حته فيني سليمه الا وفيها مويه💦💧

_وووب علي🙆 ، انا مبلوله قدر دا 😨؟!

كملت جملتي كدا سمعت ضحكه قويه جايه من جهتي اليمين🤨 ، اتلفت عليه بكشره وضيق😒😡 ،
كنت عايزه ارد بس اتجاوزتو واكتفيت بنظره حارقه😒

واصلت معاينه في هدومي المبلوله بنفس الكشره 🤧

_اسف والله ما قصدي☺ بس منظرك يضحك😂 ، بصراحه عامله زي الكتكوت المبلول 😂

لا اراديا ابتسمت😅 ، بس كتمتها تاني واصطنعت الكشره 😐

_يا بت مالك😁😁 ؟هسي ابتسامتك دي ما سمحه ليه تدسيها😂

قبلت عليه وبضيق قلت 😒😑

_اسمع هنا يا ولد المعاق انت 😤
ما رايقه لمشاغله وكلام فارغ معاك😤  ، إلتزم حدودك 
، الجابني هنا المطره واول ما تقيف حاغور منك  اصلا ما يشرفني وقفتي معاك هنا وجنبك😡

فالتزم  حدودك بالله  لحدي ما ابعد من خلقتك 😡
، معولق واحد .😡😒
كملت كلامي وزفرت بضيق 😤
ربعت يدي  وقعدت في حجر في الواطه 😷

كان الصمت سائد ما عدا  صوت المطر بس الطاقي علي الصمت دا 🌬

، بعد لحظه حسيت اني زوتها وما كان المفترض اقول كدا 

بطرف عيني عاينت ليه👀، لقيتو بيقلب في تلفونو والكشره ظهرت تجاهيد وشو ☹🙁

_اسف ،معليش  ما قص....😣

قطع كلامي بكف يدو مواجه وشو معني اسكتي ✋😧، بعدو رجع تاني لتلفونو 😒😑

سكت مسافه وتاني قلت بسرعه عشان ما يقاطعني 😒😑
_ياخ معليش انا مضايقه وحالتي حاله بسبب المطر😔 ، ما بحب اتسبب بظلم زول وانا ظلمتك بكلامي😔.

برضو ما سمعت منو اي رد ولا اصلا عبرني ولا كأني بتكلم 😑😑
لو كانت حيطه يمكن كانت لانت لكلامي  😟😑