لا حول ولا قوه الا بالله ....
دا السمعتو وانا بعاين للغبار والدخان والنار الحوليني ....
تاني ما سمعت ولا شفت شي الا وانا بسمع اصوات حوليني ...
حاولت احرك يدي ما قدرت الا بصعوبه ...اتذكرت وقتها الحادث ....
اخر شي بتذكرو كنت راكبه الحافله راجعه من السوق اجيب تمامات شيلتي ماشا علي البيت .....
كان في الحافله مرتين وشافعه صغيره عمر سنتين وراجل كبير ....
بالاضافه للسواق والمساعد ....
صراخ صراخ كان والعربيه بتتقلب ولمن استقرت سمعت لا حول ولا قوه الا بالله ....
لمن اتذكرت كدا فتحت عيوني ...بس انا ما شايفه ...ما شايفه ....
عيوني دمعت سمعت صوت امي تقول لي انتي كويسه بس ما شايفاها .....
قلت بصوت مخنوق
(_ امي انا ما شايفه ...)
صوت بكاها عِلا وانا بجاي احاول افتح واقمض ..عشان يمكن اشوف بس لا ....
دخلت في حاله هستريا ابكي واحاول اقوم ...
سمعت صوت ولد خالي(على)
يهديني ويحاول يثبتني بس كنت بقاوم ....
شويه وحسيت بطعنه في يدي ...رخت اعصابي ونمت ...
صحيت مره تانيه بس برضو ما شايفه شي ...بقيت ابكي بصوت عالي واشهق بقوه ...
سمعت صوت خطيبي
(_ غاده اهدي كفايه ...حمد الله علي سلامتك ...)
ما رديت ولا اتكلمت ...برضو امو واختو ...بس نهائي ما فتحت خشمي ...
امي تتكلم معاي بس انا ما كنت معاها ابدا ....
بعد مده سمعت صوت غريب عرفت انو دا الدكتور ...حسيت بيه جا جنبي ويفتح عيوني وكشف وبعد مده مشا ...
فضلت انا زي ما انا ...تلاته يوم كدا نهااائي ما بتكلم ....
في اليوم التالت ولد خالتي جا عرفتو من صوتو ...قعد جنبي
(_ كيفيك يا غاده ..عامله شنو ؟ ...طيب ما تتكلمي بس هزي راسك علي الاقل انتي كويسه ولا لا )
بس برضو ما رديت ...سامعاه بس ما رديت ...
( اسمعي يا غاده ..انتي حتبقي كويسه والله ..الدكتور قال بعمليه بسيطه حترجعي تشوفي واحسن من اول ، بس ما تعملي في نفسك كدا .... انتي احمدي ربك لانو المعاك في الحادث كلهم ماتو ومنهم في حاله خطره،،، احمدي ربك
لا بتاكلي ولا بتشربي ..كدا بتموتي بالبطيئ ....بعرفك قويه ما ضعيفه ولا انا غلطان )
وقتها بقيت ابكي واشهق .....حاولت بس ما قدرت اسكت نفسي من البكا ..حسيت بيه يمسك يدي ...ويطبطب علي من غير كلام ...
قلت ليه
( على!!)
قال بلهفه وسرعه ...بعد تلاته يوم اتكلمت ودا الفاجئو
(نعم يا غاده )
(انا خايفه والله )
وقتها قال
(ما تخافي ..انا معاك وكلنا معاك ،، هااا ...زي ما قلت ليك كلها عمليه بسيطه وتوجعي لينا )
أنت تقرأ
خربشة قصة
Short Storyكل جزء قصة مختلفة ، قصيرة ودسمة ، لو بتحب الرومنسية أو بعد مرات الحزن والضحك والدراما ، حّضر مناديلك وتساليك وإتفضل إستمتع بكل قصة . مع تحياتي هبه الله حسن ،،،،، ويمكنك زياره صفحتي للروايات في الفيس بوك #روايات_هبه_الله_حسن لكل جديد وحصري
