خربشة قصة

القصه السابعه

_مبروك عليك توسل .....!!

الجمله دي كنت عايز اسمعها انا، كان عايزها تتقال لي 💔

تحضن فكري ،ترعش قلبي ،تحلي باقي ايامي المُره بدونها .. 💔

بس لقيت نفسي بحضن اخوي وبهنيه بيها ..💔

بهنيه بالعقد! ! ...عقدو علي البت الوحيده السرقت قلبي ونزعتو من بين ضلوني
وعلي منو !! علي تؤامي! 💔

ما كنت عارف كيف رجلي قدرت تتحرك ولا كيف يدي وجسمي حضنو اخوي وباركو ليه.  .....💔

كنت ميت ماشي بجسم خالي من اي نوع من الحياه ...
ضلااام حوليني
الحرقه ماليه قلبي ...💔

مخنووووق حتى الاكسجين بعد مني .💔
البت الكنت بتنفسها وبعشقها خلاص بقت ما لي!!
..بقت "مره اخوي"
مره توأمي". 💔

كنت عايز امشي لمكان بعيد اقدر اصرخ فيه براحتي
اطلع حبه من ألم قلبي بالصرخات الألم
لاني عارف انو مستحيل الالم دا يمشي ....💔

قعدت عاينت ليدي الكانت ترجف نفسي يعلى ويهبط بصعوبه

...عارف اني بحبها ..اني بعشقها
بس ما بالطريقه دي ...
هسي اتأكدت..💔

مسكت راسي بيدي الاتنين بقوه كأنو عايز اخترق راسي باضافريني ...
عاينت للارض خانتني عيوني 💔

طردت دمووع حرقه علي وجنتي ...علت اصوات قلبي المليانه حرقه وتعب ...الندم ...دا كل المسيطر علي

كرهت نفسي! !

ايوااا كرهت نفسي بسبب الندم السيطر علي ...

يااا ريت لو اتكلمت وفتحت خشمي 💔،

يا ريييت لو قلت لزول اني بحبها بعشها بموت فيها ..💔
بقول انو  هي نفسي وروحي وكل الباقي في عمري  ...💔

لكن يا ريت هسي ما تنفع. ...ما تنفع ..

رجعت بذاكرتي قبل خمسه سنه ..ايوا كنت من الوقت داك بحبها وحبها انطبع في قلبي وروحي وكياني ...💔

احتفظت بيه لنفسي ...علي امل اقدر اكون نفسي واجي اتقدم ليها واخطبها .
.فقبل ما تكون ملكت فؤادي كانت بت خالتي ونور عيني.  .

"تؤامي المتطابق" زول فكاهي وبشوش اجتماعي، علي عكسي ..ما بتكلم. كتوم ...قليل الكلام ...

اتخرجت من الجامعه قدام عيني

علي قدر ما كانت مبسوطه بتخرجها، كان  عيوني بتبرق من السعاده  ؛لاني بقدر هسي اتقدم خطوه واخطبها ...

سافرت بره البلد عشان اتم باقي الحاجات واجي طوالي اتقدم ليها. ..

انا هناك قبل يوم من رجوعي ..
فكرت كتير كيف اقدر اقول ليها اني بحبها ...؟
كيف اعترف ليها بحب دام اكتر من خمسه  سنه كاتمو في نفسي ..؟