#وانا بقرا القصة بتكون #مشاعري 😢🥺🤤😍😍😍😭😭
وفي النهاية باعلى صوت #جيبوا لي زي الزول دا هسي 😡😭
#خربشة_قصة
_ انت موهوم اقسم بالله ، مطلقة يا أسعد .
عاينت لاختي وما رديت ليها ، امي جات برضو تزيد لي
_ أسعد لو كلامي الكل مرة اقول ليك عرس خلاك تقول كلامك دا ، فما عايزة العرس خليه .
عاينت ليهم
_ يا امي انتو شفتوا البت اول لمن تحكموا عليها .
_ نحكم عليها ليه اصلا دي مطلقة .
زفرت وقلت ليها ...
_ انتو مفهومكم للطلاق شنو .
_ أسعد ما عايزة مناقشة في الكلام دا وخلصنا ، لو كويسة كان طلقوها ؟!
فتحت خشمي عايز ارد بس قمت والغضب عايز يقتلني ، لو اتكلمت ح انفعل ودا غلط لانها دي امي .
رقدت بفكر فيها ، ولا اراديا ابتسمت ، القلب دا ما إختار الا دي .
لقيت في يوم قلبي ما موجود فلمن فتشتو لقيتو معاها .
" هند " معرفتي بيها كمريضة بتتعالج عندي
او نقول امها جابتها لي عشان ما يحصل ليها حاجة من العاشتو .
امها حكت لي قصتها باختصار
انها من صغيرة كانت مع ابوها وزوجتو ، هناك للاسف بتتعرض للتعنيف من ابناء زوجتو بس للحق الزوجة ما بتعرف حتي انها طيبة .
نتيجة لظلم حرموها من المدرسة ، وبعدها اتهموها في شرفها فحبسها ابوها ، وامها كانت كل الوقت داك ما معاهم لانهم برة البلد والتواصل ما بينهم محدود .
الام لامت نفسها علي الحصل ليها وقالت انها ليها دور كبير في معاناته بتها دي لاني اتزوجت والحضانة شالها ابوها .
لمن عمرها 18 سنة وقتها عرسوا ليها راجل ما طبيعي عقلو ، بس اهلو لقروشهم قدروا يغروا ابوها فباعها
قسوة قلب شديدة منو بس ندم بعدها ، وقبل ما يعمل حاجة ، جو اهله للبيت مع " هند " وقالوا ولدنا بخاف منها من غير سبب بما في داعي ليها شيل بتك .
من احساس بالذنب جابها لامها ورجعها بلدا
_ أنا لمت أبوها بس انا برضو مذنبة في حقها وعشان كدا جبتها ليك عشان تتابع معاها ، العاشتو كتير دا بسيط القلتو ليك .
وقتها بالجد اشفقت ليها فسألتها
_ هسي عمرها كم ؟
_ 20 سنة ...
- طيب ما مشكلة بكرة جيبيها لي .
للصراحة كنت متلهف ومتشوق اشوف البت دي
أنت تقرأ
خربشة قصة
Short Storyكل جزء قصة مختلفة ، قصيرة ودسمة ، لو بتحب الرومنسية أو بعد مرات الحزن والضحك والدراما ، حّضر مناديلك وتساليك وإتفضل إستمتع بكل قصة . مع تحياتي هبه الله حسن ،،،،، ويمكنك زياره صفحتي للروايات في الفيس بوك #روايات_هبه_الله_حسن لكل جديد وحصري
