#خربشه قصه
بدا يفتح عيونو حبه حبه ، كشر شويه لحدي ما زادت الكشره وألم الراس
فجأه رفع راسو بعنف وعيونو مفتوحين علي اخرهم دلاله علي الصدمه .....
اتذكر اي شي ، كأنو للحظات اتمسحت ذاكرتو وشويه رجعت ليه
بهستريا وانفعال مبالغ فيه اتلفت حولينو يمين شمال ......
شويه استقرت عيونو علي جسدا المرمي باهمال علي الارض ....
حاول يصرخ منادي ، بس الشريط الفي خشمو منعو ....
عايز يتحرك .... بس ما قدر كأنو يا داب عرف نفسو انو مربط يدو ورجلو في الكرسي الحديد ، قعدتو ما مريحه ابدا ابدا .....
اتحرك به بعنف محاول يحرك الكرسي لاتجاه جسدا المرمي باهمال في الارض ...
بس برضو الكرسي من حديد وتقيل ما قدر يتزحزح .....
فضل يعاين بعيون مليانه غشاوه دموع ، لسا اسبوع من عرسهم ، انقلب شهر عسلهم لشهر حنضلهم ....
كيف جو ؟وين هم ؟
، حتى هو ما عارف ....كل اليتذكرو لقى نفسو فجأه مخدر وهي معاه من شخص مجهول الهويه ....
عاين للمكان عشان يعرف هو وين بس برضو ما عرف ...
لحدي ما انتبه لصوت الوراه ... دخل الغرقه واتجه مقابلو .....
كان الشخص مكشر وعيونو حمرا من الغضب يعاين ليه ....
ضربه ، ضربتين تلاته .... العدد كم ما عارف بس كل دا في وشو وبطنو ورجلو ، وهو بس مقمض يستقبل الالم الموجه ليه ...
اخد داك نفسو ، بعدو قال بانفاس مقطعه من تعب ضربو
( دا ذره بس من الحتشوفو )
تاني اداه ضربه لمن شاف عيونو بتتحداه وقال
( دا كلو عشان اختي ، انت السبب في الحصل ليها ، ويقولو لي انت صح ، كذااااابين ، كذااابين ...كلهم كذابين وبدايه من الحيوان العمل عملتو
اتهما وقال جات بارادتا ليه وبتجي طوالي معاه ، لكن كذاب
يكون اغتصبا وانت كمان معاه ساعدتو لمن ما دافعت عنا .... كان مفروض يتعاقب بالقتل لانو اغتضب بس انت بينت انو زاني واخد جريمه الزنا بس ...)
ضربو وضربو لمن اغمى عليه .....
فتح عيونو تاني وهو مشوش المره دي ، الدم دخل عينو وبقى يشوف بعين واحده بسبب الدم ....
عاين ليه وهو يسجر بغضب ويعاين لمرتو المرميه في الواطه .....
قلبو كانو انخلع من اضلعو وجرا ليها عشان ينغذا من نظراتو ليها ، المتأكد انو ما لخير .....
بالرغم من جسدو المكسر والمورم من الضرب اتحرك بهستريا وعنف محاول يتحرر ، والهمهمات القويه منو ....
اتلف ليه التاني وقال
(قالو لي قلبك ضعيف يا قاسم .... يعني حتموت براك ما حاقتلك بنفسي )
أنت تقرأ
خربشة قصة
Historia Cortaكل جزء قصة مختلفة ، قصيرة ودسمة ، لو بتحب الرومنسية أو بعد مرات الحزن والضحك والدراما ، حّضر مناديلك وتساليك وإتفضل إستمتع بكل قصة . مع تحياتي هبه الله حسن ،،،،، ويمكنك زياره صفحتي للروايات في الفيس بوك #روايات_هبه_الله_حسن لكل جديد وحصري
