خربشة قصة

القصه 24

#خربشه قصه ...

لمن قالو لي  عقدو 😍😍
...وسمعت الطلق عاااليه بكييت من فرحتي. 😭😭😍
وما كنت مصدقه محتاجه حاجه تأكد لي البيحصل دا  😍..

قلت في نفسي يمكن دا واحد من احلامي الكل مره بحلم بيها 😅
ولمن اصحى الغى نفسي في سريري 😢😅
والاحضان الاترمت فيني من الناس  ما كانت شويه ..😍😘

كلهم عارفين قصتي معاه 😗
وكيف كافحنا سوا عشان نكون لبعض 😍
فكانو فرحانين لينا بكل ما تعنيه الكلمه من معني ...😍😍
وانا بمسح دموعي اتصل علي ...😍😍

رفعت التلفون يدي ترجف من الفرح 😂
والابتسامه قدر ما قلت اوقفها ما بقدر الا تزيد ...😂

فتحت الخط وقعدنا مسااااافه حتى اتكلم بصوت مبحووم وقال: مبرووووك ...😍😍
لحظتها زادت دموعي اكتر والوقت داك يا داب عرفتو ما حلم. 😍

..دا حلمي الواقي المن خمسه سنه بنكافح عشانو ...😍😍😘
قال لي : هو صحي عقدو ولا بتخيل انا؟ 🙈
ضحكت ضحكه صغيره مع بكيتي ...🙊
قال لي : اقسم لو ما كنتي بعيده كان حضنتك ولفيت بيك.   🙈🙈

ما حاقدر اقول ليك بحبك لاني اتجاوزت المرحله دي وفتها. 🙈🙈

مع تكبيرات الرجال الكل مره تزيد والنساوين البزغزتو ..ما قدرنا نسمع بعض ...😣😢
قفلنا وكلنا لهفه متين نلاقي بعض ..🙈

سوق عروووستك 🙈
الجمله دي قربت تقطسني الارض 🙊
والعجب مسكه يدو لي ...😍😍
وقفنا وقدام الناس حضني
🙉🙊 ..اي قدامهم ...🙈

الزغاريت والتكبيرات والصفير ما وقف لحدي ما فكاني ..وما في زول اتجرأ وزحاني منو ...😂
في اليقول خلوه لبعدين 🙈
وفي اليقول اختشو في صغار 🙊

و ووو كتيير بس قال لي: ما دام ما عملت حاجه حرام علي كيف  يفكر  الباقين زي ما دايرين  .😍😍♥
.

شهر العسل دا قليله عليه كلمه عسل بالنسبه لي 😍♥ ...كان حرفيا ما بفارقني ...😍

من لحظه لتانيه يقعدني قصادو ويقد يتفرج فيني ..😚😍

اقول ليه : انت مجنون ...🙈

يقول لي : اقسسسم ما في شي حيجنني غيييرك ...انا ليه بحبك كدا ..🙉🙊؟

مرت السنوات وحبنا غير بزيد ما بقل 😚

اكيد بنتشاكل ونتزاعل من بعض 😊

..بس الزعل والخصام ما معناه نهايه حب 😍
..بالعكس لمن نتصالح يا دااب زدنا في حبنا اكتر واكتر ...😍

كلام الناس ما بيرحم والالسن تتكلم فينا ..😢😢
هي ليه ما حملت لسا؟ 😔😔
اربعه سنه وما حملت؟😭😭
الخلل يا ربي من منو ..منها ولا منو؟ 😪😪

ما في دكتور ما مشيناه ..الا ويقول ما عندكم حاجه ..استسلمنا وقعدنا. 😓😓

ادخل اهلو وطالبوه بالزواج من واحده تانيه  ...😭😭

اما امو ما كانت بتطلب منو ...وتقول ليه قسمتك ما بتفوتك والبريحك اعملو نهائي ما بجبرك علي العرس ..😍😍♥♥
يااخ امو دي ما فضل لي الا ابوس ليها رجلها ..♥♥
.امي التانيه بمعنى الكلمه وهي البتقيف معاي  ...💖💖

بس اهلو الباقين هم الم بريحو نهائي 💔💔
..لدرجه مشو اختارو ليه بت وكلمو اهلها وهو ما عارف ...💔💔
ولمن عرف طربق الدنيا في راسهم.  .😔😔

الدنيا خلااص دارت بي وما وقفت وبقيت كل يوم ابكي من مطاعنات الناس ..😭😭💔💔
هو ذااتو زهج وقرف من كلام الناس بس كان متحمل عشاني ...😭

هو عصبي زياده عن اللزوم ولمن حاجه تزعلو يجي يتفشى فيني ولمن يروق يجي يقول لي : انتي بالله متحملاني كيف ..؟ 😍😙
اقول ليه : لو ما انا
اتحملت  اليتحملك منو ...انت روحي.💖🙈🙊

صبرنا سوا علي ازيه الناس وكلامهم ..بس في يوم ما زي اي يوم كانت المفاجئه اني حامل ..😍😍

فرحتنا ما بتتوصف الصراحه ...لحظه واحده سكتنا كل خشم بيتكلم وكل زول اتعرض لينا .. 😍😍

قبل ما نتزوج خمسه سنه عانينا لحدي ما بقينا لبعض ..وبعد العرس اربعه سنه لحدي ما رزقنا الله بتوأم 💖💖(علا وحلا )

مصاعب الحياه عباره عن جسر مهزوز معلق فوق هاويه 💔
...عشان تعديها محتاج تمسك يد زول عشان تعدو سوا وتتجاوزو المصاعب دي ...💖
لو ما  انتبهت قدام وقعدت تتلفت وتسمع كلام الناس ، ونسيت انت ماشي لوين حتقع انت والماسك يدك.