خربشة قصة

القصه 16

#خربشه قصه

قصه حقيقيه .....

في الجامعه بدت قصتهم ، في دفعه واحده وتخصص واحد .
.حبو بعض واخلصو الحب ، كان حبهم نقي فيه الوفاء والصدق ، النقاء النادر في الايامات دي .

اتخرج الاتنين من الجامعه ، فهنا كان فراقهم ، ضاعت الارقام وبعدت المسافااات وفقدو بعض .

الشاب كان ساكن في مدينه بعيده جدا من مدينتها بس بالرغم من كدا ، كون نفسو وهيأ امرو عشان يبدا رحله البحث عنا .

صحيح بيعرف ساكنه في ياتو مدينه بس بالتحديد بيتهم وين دا المخفي عليه .

سافر وبالسؤال بس وصل  ، وصل ليها بعد تعب وعناء 
اتصل والفرحه ما سايعاه لاهلو ، قال ليهم تعالو سرعه عشان  تتقدمو لي

في المده اليصلو اهلو ، استضافوه ناس كرم وزوق لحدي ما يصل اهلو عندو

بس للقدر كلمه اخرى .

في شاب  كان عايزها فلمن سمع  بانو في زول  جاي من مكان بعيد عشان يتقدم ليها ، وسوس ليه الشيطان  واغراه  بيها .

مشا ليه وعزمو علي قولو للسباحه ، وافق داك علي العزوما ومشا معاه .

بس المشكله السباحه ما كانت في مكان سليم ، كان مكان خطر يعوم في زول ما من المنطقه وما يعرف حاجه عن المكان .

ولقدرو ونصيبو غرق في المويه ، مات ومات معاه حبو .

وصل اهلو للمكان ، بس اتفاجئو بانو مفقود لايام ، بعد جدال وتعب وبحث اكتشفو موتو بفعل متبر كاد في حبو .

مات وفي قلبو اخلاص وحب ، في قلبو امنيه انو يشوف حبيب قلبو معاه

قطع المسافات والفيافي عشان بس تكون معاه
بس في النهايه علي الاقل مات في نفس المكان القاعده فيه حبيبتو .