အခန်း ၁၇: အရာအားလုံးရဲ့အစ
ရက်အနည်းငယ်ကြာပြီးနောက်။
"အဖေဘာကိုပြောချင်တာလဲ?" ချန်ရွှမ်းဟယ်မျက်မှောင်ကြုတ်လိုက်တယ်။ "ချူလင်ဇာတ်ကောင်နေရာ နင်နင့်ကိုမပေးဘဲ လီယွီကိုပေးမယ်ပေါ့လေ၊ ဘာဖြစ်လို့လဲ?"
အဖေထပ်ပြီးအရူးထနေပြန်ပြီလား?... အဲ့ဒီနောက်ဆုံးတစ်ခွန်းကိုတော့ သူမပြောလိုက်ပေ။
ချန်ကွမ်းချောင်ကကော်ဖီတစ်ငုံသောက်လိုက်တယ်။ "ငါ့မှာသူ့အတွက် နောက်ထပ်ဇာတ်ကောင်တစ်ခုရှိတယ်"
ချန်ရွှမ်းဟယ်စားပွဲပေါ်ငုံ့ကြည့်လိုက်တော့ အံ့သြမှုကြောင့်မျက်လုံးတွေပြူးကျယ်သွားတယ်။ "အဖေ ဒီရုပ်ရှင်ကိုပြန်ရိုက်မလို့လား?"
"အင်း" ချန်ကွမ်းချောင်ကော်ဖီခွက်ကို စားပွဲပေါ်ချလိုက်တယ်။ သူ့ရဲ့အရှေ့မှာက ဇာတ်ညွှန်းအဟောင်းတစ်ခုရှိနေတယ်။ သူအဲ့ဒါကိုကြည့်ကာပြောလာတယ်။ "ငါသူ့ကိုတစ္ဆေနေရာသရုပ်ဆောင်ခိုင်းရမယ်!"
ဇာတ်ညွှန်းပေါ်မှာက စာလုံးအကြီးကြီးလေးခုရှိနေတယ်: 剧院的鬼, ပြဇာတ်ရုံတစ္ဆေ ။
ချန်ရွှမ်းဟယ် မွန်းကျပ်လာတယ်။ <ရုပ်ဆိုးမ> ရော <ပြဇာတ်ရုံတစ္ဆေ> ရောက ချန်ကွမ်းချောင်ရဲ့ရုပ်ရှင်တွေဖြစ်ပေမဲ့ အဆင့်အတန်းကတော့ကွာတယ်။
တည့်တိုးပြောရရင် <ရုပ်ဆိုးမ>က သက်တောင့်သက်သာရှိတဲ့ဇာတ်အသွားအလာရှိပြီး ဇာတ်ကောင်တွေကလည်း သိပ်မရှုပ်ထွေးပါချေ။ အဲ့ဒါက ချစ်သူများနေ့အတွက်အဓိကရည်ရွယ်တဲ့ ရုပ်ရှင်ဖြစ်တယ်။
ဒါပေမဲ့ <ပြဇာတ်ရုံတစ္ဆေ>ကတော့ မတူဘူး၊ လုံးဝမတူဘူး...
"အဲ့ဒီလူရွေးပွဲတုန်းကကိစ္စလေးကြောင့်နဲ့ပေါ့လေ?" ချန်ကွမ်းချောင်အစတုန်းက နင်နင့်ကိုတိုက်ခိုက်ဖို့ရည်ရွယ်ထားတာမဟုတ်လား။ အခုတော့ထူးဆန်းနေပြီ။
"သူသရုပ်ဆောင်သွားတာမဆိုးဘူးဆိုတာ ကျွန်တော်ဝန်ခံပါတယ်၊ ဒါပေမဲ့အဲ့ဒါက အဲ့တစ်ခဏစာပဲဆိုရင်ရော? ပြီးတော့လည်း တစ္ဆေဇာတ်ကောင်က အရမ်းရုပ်ထွေးလွန်းတယ်၊ ချူလင်ထက်အများကြီးရှုပ်ထွေးတယ်၊ သူအဲ့ဒါကိုလုပ်နိုင်မယ်လို့ ကျွန်တော်တော့မထင်ဘူး!"
YOU ARE READING
ငါဒီရုပ်ရှင်ထဲကူးပြောင်းလာဖူးတယ် « 这个电影我穿过 »
Mystery / ThrillerFan translation of 这个电影我穿过 [I've Transmigrated Into This Movie Before] Author 梦魇殿下 [Mèngyǎn diànxià (Her Highness, the nightmare)] Status in COO 174 Chapters (+ 2 Extra Chapters) ©️ Cover illustration is fully credited to Z...
