{Unicode}
အခန်း ၉၃: ၁၉၉၇ ခုနှစ်ဆီသို့တစ်ဖန်
အဲ့ဒါတွေပြီးသွားတော့ နောက်ဆက်လာတာက ပုံမှန်နှေးကွေးတဲ့ရက်သတ္တပတ်တစ်ခုပဲဖြစ်တယ်။
ဒီအချိန်အတောအတွင်းထဲမှာ လျန်လျန်ကနင်နင့်ကိုမရှာသလို နင်နင်ကလည်းလျန်လျန်ကို အရင်မဆက်သွယ်ပါချေ။
ပြောစရာရှိတာတွေအကုန် ပြောထားပြီးပြီဖြစ်ကာ သိထားစရာရှိတာတွေကိုလည်း အကုန်သိထားပြီးပြီဖြစ်တယ်။ အခုကျန်တာက အသင့်တော်ဆုံးရုပ်ရှင်တစ်ခုကိုစောင့်နေဖို့ပဲ။
ဒါပေမဲ့ရက်တွေကုန်လွန်လာတာနဲ့အမျှ နင်နင့်ရဲ့အတွေးတွေကလည်း စတင်ပြောင်းလဲလာခဲ့တယ်။
"ဝမ်ရှောင်နင်တုန်းက သူ့တစ်ဘဝလုံးစောင့်ခဲ့တာတောင် သူကြည့်ချင်တဲ့ရုပ်ရှင်နဲ့မဆုံခဲ့တာ" သူမတွေးလိုက်တယ်။ "ငါ့အတွက်ရောဖြစ်နိုင်ပါ့မလား?"
ထိုအပတ်အတွင်း ညတိုင်းညတိုင်း နင်နင်ဘဝရုပ်ရှင်ရုံကိုသွားပြီး နံရံပေါ်ကပိုစတာကိုသွားကြည့်ခဲ့တယ်။
ပိုစတာတွေကညတိုင်းပြောင်းလဲလို့နေတယ်။ ရုပ်ရှင်တွေကညတိုင်းရုံတင်ခံရတယ်။ <ညမိန်းမပျို>၊ <ချစ်သူလိုက်ပွဲ>၊ <ညဉ့်နက်ပုံပြင်များ>၊ <သွေးပူပူလက်ဝှေ့>...
ရုပ်ရှင်ရုံထဲဘယ်သူမှမဝင်သွားပေမဲ့ ညသန်းခေါင်တိတိမှာ ရုပ်ရှင်တွေကပြသနေဆဲဖြစ်ကာ တစ်စုံတစ်ယောက်ရဲ့ဘဝထဲက ပျော်ရွှင်မှု၊ ဝမ်းနည်းမှု၊ ဒေါသနဲ့ ခံစားချက်မျိုးစုံကို လှစ်ဟလို့နေတယ်။
နောက်ထပ်ရက်သတ္တပတ်ကုန်လွန်သွားကာ နင်နင့်ဆီ လျန်လျန်ဆက်သွယ်လာခဲ့တယ်။
"အချိန်မရှိတော့ဘူး" လျန်လျန်ကအလောတကြီးပြောလာတယ်။ "ထပ်စောင့်နေလို့မရတော့ဘူး၊ အချိန်တူတူလောက်ကျတဲ့ ရုပ်ရှင်တစ်ခုကိုရှာပြီး မြန်မြန်ဝင်သွားမှရမယ်"
"ဘာဖြစ်လို့လဲ?" နင်နင်မေးလာတယ်။
"မင်းဒီနေ့သတင်းမကြည့်ဘူးလား? ယန့်ချင်ကမင်းရဲ့လျှို့ဝှက်ချက်ကို ထုတ်ပြောလိုက်ပြီ" လျန်လျန်ကအေးစက်စက်ရယ်လာတယ်။ "သူ့အင်တာဗျူးထဲမှာ မင်းကသူ့ရဲ့စိတ်ကူးထဲက ယွင်လင်ဆိုတာနဲ့ မင်းရဲ့လူရွေးပွဲဗီဒီယို အကြောင်းကိုပါပြောသွားတယ်"
YOU ARE READING
ငါဒီရုပ်ရှင်ထဲကူးပြောင်းလာဖူးတယ် « 这个电影我穿过 »
Mystery / ThrillerFan translation of 这个电影我穿过 [I've Transmigrated Into This Movie Before] Author 梦魇殿下 [Mèngyǎn diànxià (Her Highness, the nightmare)] Status in COO 174 Chapters (+ 2 Extra Chapters) ©️ Cover illustration is fully credited to Z...
