{Unicode}
အခန်း ၅၉: အန္တရာယ်
"ရှင်အဲ့ဒီလက်မှတ်ကိုဘယ်ကနေရလာတာလဲ?"
သူမလေယာဉ်ပေါ်ကဆင်းတာနဲ့ ဝမ်ယွီကိုဖုန်းခေါ်လိုက်တယ်။
"ယိုလင်" ဝမ်ယွီကနာမည်တစ်ခုနဲ့ပြန်ဖြေလာတယ်။ "သူ့ကို <ပန်းချီကားထဲလူ> ရိုက်ကူးရေးအကြောင်းနည်းနည်းမေးခဲ့တယ်"
ဝမ်ယွီကခဏရပ်ကာ ဆက်ပြောလာတယ်။ "ရုပ်ရှင်ရိုက်ကူးရေးအပြီးမှာ ခင်ဗျားရဲ့အမေ နင်ယွိရန်က သူ့ဆီကနေလက်မှတ်တစ်စောင်ကို ထပ်ခါထပ်ခါလာတောင်းခဲ့တယ်တဲ့၊ ဘဝရုပ်ရှင်ရုံလက်မှတ်"
နင်နင်ခြေလှမ်းတွေကိုရပ်လိုက်တယ်။
"တစ်နှစ်နဲ့တစ်ရာသီတိတိ ဆက်တိုက်ပဲ" ဝမ်ယွီပြောလာတယ်။ "အဆုံးကျတော့ ယိုလင်သည်းမခံနိုင်တော့ဘဲ နင်ယွိရန်ပြောတဲ့အတိုင်း တစ်ပုံစံတည်းတူတဲ့လက်မှတ်အတုတစ်ခုဖန်တီးပြီး သူ့ကိုပေးလိုက်တယ်"
"ပြီးတော့လိမ်ထားတာပေါ်သွားလား?" နင်နင်အဖြေကိုသိထားပေမဲ့ ထပ်ပြီးမေးလိုက်တယ်။
"အင်း ပေါ်သွားတယ်၊ သူတို့တွေအဲ့ဒါအတွက်ကြောင့်နဲ့ အကြီးအကျယ်ရန်ဖြစ်ခဲ့ကြတယ်ပြောတယ်၊ ယိုလင်ပြောတာအရဆို..." ဝမ်ယွီဂရုတစိုက်သင့်တော်မယ့်စကားလုံးကိုရှာဖွေပြီးမှ ဆက်ပြောလာတယ်။ "ခင်ဗျားအမေရဲ့အခြေအနေကသိပ်မကောင်းနေခဲ့ဘူး၊ သူလုံခြုံရေးတွေဆွဲခေါ်သွားတာကိုခံရင်း ယိုလင်ကိုဒီလိုမျိုးစကားတစ်ခွန်းအော်ပြောသွားခဲ့တယ်– 'နင့်ကြောင့်ငါလက်မှတ်မပါဘဲဝင်သွားခဲ့မိတာ'..."
ခိုးဝင်တာ...
မေမေချန်သွားတဲ့စကားတစ်ခွန်းကို နင်နင်သေသေချာချာမှတ်မိနေသေးတယ်– ဘယ်တော့မှခိုးမဝင်နဲ့။
မေမေကခိုးဝင်ခဲ့ဖူးတာပဲ။
ခိုးဝင်ခဲ့တာက သူမအပေါ်ဘယ်လိုသက်ရောက်ခဲ့လဲ? ဝမ်ယွီကစကားလုံးအလှသုံးပြီးပြောသွားခဲ့ပေမဲ့ သူပြောတဲ့'အခြေအနေသိပ်မကောင်းနေခဲ့ဘူး'ဆိုတာက သူမရူးသွပ်ခါနီးဖြစ်နေတာကိုပြောတာဖြစ်နိုင်တယ်။ မဟုတ်ရင် လုံခြုံရေးပါခေါ်ရတဲ့အဆင့်ကိုမရောက်နိုင်ဘူးလေ။
YOU ARE READING
ငါဒီရုပ်ရှင်ထဲကူးပြောင်းလာဖူးတယ် « 这个电影我穿过 »
Mystery / ThrillerFan translation of 这个电影我穿过 [I've Transmigrated Into This Movie Before] Author 梦魇殿下 [Mèngyǎn diànxià (Her Highness, the nightmare)] Status in COO 174 Chapters (+ 2 Extra Chapters) ©️ Cover illustration is fully credited to Z...
