{Unicode}
အခန်း ၁၁၆: သူ့ကိုအပိုင်ဖမ်း
"ဈေးဆိုင်တန်းကကုန်တိုက်နားမှာ" နင်နင်ကားပြတင်းအပြင်ဘက်ကိုကြည့်လိုက်တယ်။
"အဲ့ဒီမှာပဲစောင့်နေ" ဝမ်ယွီပြောလာတယ်။ "ဆယ့်ငါးမိနစ်"
ဖုန်းချပြီးတာနဲ့ နင်နင်ထိုဆယ့်ငါးမိနစ်ကိုအသုံးချပြီး ကျန်းရှင်းအိုက်နဲ့ ဝမ်ယွီရဲ့ဆက်ဆံရေးကို သေချာသိရဖို့အတွက် သူမဖုန်းထဲကမက်ဆေ့ချ်တွေကို တစ်ခုမှမကျန် လိုက်စစ်ဆေးတော့တယ်။
သူမရဲ့နှုတ်ခမ်းထောင့်စွန်းလှုပ်သွားတယ်။
သူမတို့နှစ်ယောက်က ဟိုးကတည်းကရင်းနှီးခဲ့ကြတယ်။
ဝမ်ယွီရဲ့စိတ်ပညာဘာသာရပ်ဆရာက ကျန်းရှင်းအိုက်ရဲ့စိတ်ရောဂါဆရာဝန်ဖြစ်တယ်။
ပြဿနာက...
[ငါနဲ့ဒေါက်တာကျိုးကြားမှာ ဘာမှမရှိဘူး]
[တကယ်ပြောနေတာ!]
[ငါကနေမကောင်းဖြစ်နေတာ! ငါ့ကိုယ်ငါထိန်းလို့မရဘူး!]
သူမဘာကိုဆိုလိုတာလဲ? လူ့ကျင့်ဝတ်ဖောက်ပြန်တာကလည်း စိတ်ရောဂါတစ်မျိုးပဲလား?
ဝမ်ယွီပြန်ပို့ထားတဲ့စာတွေကို နင်နင်ဖတ်ကြည့်လိုက်တယ်။
[ဒေါက်တာကျိုးက ငါလေးစားရတဲ့ဆရာတစ်ယောက်၊ ပြီးတော့ သူ့မှာဇနီးနဲ့ကလေးရှိတယ်၊ မင်းကိုယ်မင်းထိန်းထား]
သူဒုတိယမက်ဆေ့ချ်ကိုတော့ စာမပြန်ထားပေ။
[မင်းနေမကောင်းဖြစ်နေတာမဟုတ်သလို အဲ့ဒါကလည်း စိတ်ရောဂါမဟုတ်ဘူး၊ အဲ့ဒါကမင်းရဲ့ဝါသနာနဲ့ မင်းဘဝရဲ့အကျင့်ပဲ]
သူကခွဲစိတ်ခန်းသုံးဓားတစ်ချောင်းလိုမျိုး သူမရဲ့ညှို့ဓာတ်ပြင်းတဲ့ အပြင်ပန်းအရေပြားကိုခွာချပြီး အကျည်းတန်လွန်းတဲ့ အထဲကအရိုးတွေကိုလှစ်ဟခဲ့တာပဲ။ သူမရဲ့ပုံစံအစစ်အမှန်ကို ထိုးဖောက်မြင်နိုင်ခဲ့ရုံတင်မကဘဲ သူမနောက်ကွယ်မှာလုပ်နေတဲ့အရာတွေကိုပါ သူဖော်ထုတ်နိုင်ခဲ့တယ်။
သူမက ဝမ်ယွီနဲ့ ဒေါက်တာကျိုးကို တစ်ချိန်တည်းမှာမြှူဆွယ်နေတာပဲဖြစ်တယ်။
YOU ARE READING
ငါဒီရုပ်ရှင်ထဲကူးပြောင်းလာဖူးတယ် « 这个电影我穿过 »
Mystery / ThrillerFan translation of 这个电影我穿过 [I've Transmigrated Into This Movie Before] Author 梦魇殿下 [Mèngyǎn diànxià (Her Highness, the nightmare)] Status in COO 174 Chapters (+ 2 Extra Chapters) ©️ Cover illustration is fully credited to Z...
