{Unicode}
အခန်း ၆၇: သွေးထိုးခြင်း
အဲ့ဒီဓာတ်ပုံဘောင်ရဲ့လျှို့ဝှက်ချက်ကဘာဖြစ်မလဲ?
အမှန်တရားကိုရှာဖွေတွေ့ရှိနိုင်မယ့်အခွင့်အရေးက နင်နင်ရဲ့မျက်စိရှေ့မှာရှိနေပြီဖြစ်တယ်။
ဖေရွှမ်ရဲ့ကုမ္ပဏီကရုတ်တရက်ကြီး သူ့ကိုရုံးချုပ်ဆီပြန်လာဖို့ အကြောင်းကြားလာတယ်။
"ရှင်ဘယ်တော့မှပြန်လာမှာလဲ?" နင်နင်လက်ထဲမှာမီးခိုးရောင်ကုတ်အင်္ကျီကိုကိုင်ထားတယ်။
"ကိုယ်ဒီနေ့ထွက်ပြီး ငါးရက်လောက်နေရင်ပြန်ရောက်မယ်" နင်နင်သူ့ကိုကုတ်အင်္ကျီဝတ်ပေးနေတုန်းမှာ ဖေရွှမ်ပြောလာတယ်။ သူရယ်လိုက်တယ်။ "မင်းဒီမှာပဲနေပြီး အိမ်မစောင့်ပေးချင်ဘူးလား?"
နင်နင်ခဏလောက်တုံ့ဆိုင်းနေဟန်ဆောင်ပြီးမှ သူ့ကိုပြုံးပြလိုက်တယ်။ "ရတယ်လေ"
ဖေရွှမ်မထွက်သွားခင် သူမကိုနှုတ်ဆက်အနမ်းပေးသွားခဲ့တယ်။
သူ့ကိုတံခါးဝကနေလက်ဝေ့ယမ်းပြကာ ကားထွက်သွားတာကိုကြည့်ရင်း နင်နင့်ရဲ့အပြုံးကတဖြည်းဖြည်းလျော့ပါးသွားတယ်။
သူမကိုယ်ကိုလှည့်ပြီးတံခါးသော့ခတ်ကာ အိမ်ထဲပြန်ဝင်လာခဲ့တယ်။ ပြီးတော့ဓာတ်ပုံဘောင်တွေရှိရာဆီကို တစ်လှမ်းချင်းစီလျှောက်လာခဲ့တယ်။
ပုံမှန်ဆိုရင်လူတစ်ယောက်က ဓာတ်ပုံလေးငါးပုံလောက်ကိုပဲ ချိတ်ဆွဲထားနေကျဖြစ်တယ်။ ဘယ်သူမှဖေရွှမ်လိုမျိုး နံရံတစ်ခုပြည့်နှက်သွားအောင်ချိတ်လေ့မရှိပါချေ။
နင်နင်ဓာတ်ပုံဘောင်ထဲကသူမကိုယ်သူမပြန်စိုက်ကြည့်ကာ ထိုဓာတ်ပုံဘောင်ကိုဖြုတ်လိုက်တယ်။
အရင်တစ်ခေါက်ဓာတ်ပုံဘောင်တွေလဲတုန်းက နင်နင်ကဘောင်ကိုသာကမ်းပေးရပြီး ဖေရွှမ်းကနံရံပေါ်ချိတ်တဲ့သူဖြစ်တယ်။ အဲ့ဒီတုန်းကဖေရွှမ်ရဲ့ခန္ဓာကိုယ်နဲ့ကွယ်နေတာကြောင့် သူလုပ်နေတာတွေကိုနင်နင်သေချာမကြည့်ခဲ့ရပါချေ။
အခုတော့သူမရှင်းရှင်းလင်းလင်းမြင်နေရပြီဖြစ်တယ်။
"ဒါက..." နင်နင်လက်မြှောက်ကာ ဓာတ်ပုံဘောင်အနောက်နံရံကိုထိတွေ့လိုက်တယ်။
YOU ARE READING
ငါဒီရုပ်ရှင်ထဲကူးပြောင်းလာဖူးတယ် « 这个电影我穿过 »
Mystery / ThrillerFan translation of 这个电影我穿过 [I've Transmigrated Into This Movie Before] Author 梦魇殿下 [Mèngyǎn diànxià (Her Highness, the nightmare)] Status in COO 174 Chapters (+ 2 Extra Chapters) ©️ Cover illustration is fully credited to Z...
