{Unicode}
အခန်း ၄၁: ပထမဆုံးချစ်ရေးဆိုခံရခြင်း
"သေချာပေါက်နင်ယွိရန်ပဲဖြစ်ရမှာပေါ့!"
ဒါရိုက်တာရှီခေါင်းလှည့်ကြည့်လိုက်တယ်။ သူ့မျက်နှာပေါ်မှာက 'ငါပြောလို့မပြီးသေးတာကို ဘယ်သူဖြတ်ပြောရဲတာလဲ?' လို့အထင်းသားရေးလို့ထားတယ်။
အဲ့ဒါကချန်ကွမ်းချောင်ဖြစ်တယ်။
"ယိုလင်ရဲ့မင်းသမီးလင်ရှန်းကလှပေမဲ့ ပရိသတ်ကိုဘာမှမခံစားရစေဘူး၊ အဲ့လိုမျိုးတွေ ဈေးကွက်ထဲမှာအများကြီးပဲရှိတယ်!" ချန်ကွမ်းချောင်ကနင်ယွိရန်နဲ့နှိုင်းယှဉ်ပြီးပြောလာတယ်။ "သူ့ကိုကြည့်၊ ပုံမှန်နဲ့မတူဘူး၊ လူသေလိုပဲညှို့ဓာတ်ပြင်းတယ်"
ခုနကမှစိတ်ငြိမ်ကျသွားတဲ့လူတွေက တစ်ခါပြန်ပြီးဆွေးနွေးလာကြတယ်။
ချန်ကွမ်းချောင်ရဲ့မျက်နှာပေါ်မှာ အနိုင်ရတဲ့အပြုံးမျိုးပေါ်လာရုံပဲရှိသေးတယ်၊ ပျင်းရိပျင်းတွဲအသံတစ်သံက လူအုပ်ထဲကနေပေါ်ထွက်လာခဲ့တယ်။
"နင်ယွိရန်သရုပ်ဆောင်သွားတာကောင်းပါတယ်၊ ရုပ်ရှင်တစ်ခုလုံးကို တစ်ဖက်စောင်းနင်းဖြစ်သွားစေနိုင်တဲ့အထိ"
ချန်ကွမ်းချောင်အံ့ဩသွားတယ်။ သူအသံလာရာကိုကြည့်လိုက်တော့ ပြုံးနေတဲ့ရှီကျုံးထန်ကိုတွေ့လိုက်ရတယ်။
"အခုအကုန်လုံးက ဘယ်သူပိုတော်တယ်မတော်ဘူးဆိုတာမှာပဲတိုင်ပတ်နေကြတာ၊ <ပန်းချီကားထဲကလူ> ရဲ့အဓိကဇာတ်လမ်းကို မေ့နေကြပြီထင်တယ်၊ ဇာတ်လမ်းရဲ့အရေးအကြီးဆုံး အသေးစိတ်အချက်အလက်ကဘာလဲ? ဇာတ်လိုက်ကပန်းချီကားထဲကလူကို အရူးအမူးစွဲလမ်းသွားလို့ သူ့ရဲ့အဖေတောင်အခြားဘာမှမတတ်နိုင်တော့ဘဲ သူ့သားကိုမြှူဆွယ်ဖို့အတွက် အခြားတစ်ယောက်ကိုခိုင်းခဲ့ရတာမဟုတ်ဘူးလား? အခုသူ့ကိုကြည့်ကြည့်"
လူတိုင်းနင်ယွိရန်ကိုပြိုင်တူကြည့်လိုက်ကြတယ်။
သူမသာတစ်နေရာထဲမှာ အချိန်တစ်ခုအထိမတ်တပ်ရပ်နေရင် မကြာခင်အဲ့ဒီနေရာမှာ မှိုတွေပေါက်လာတော့မယ်လို့ထင်ရတဲ့အထိ အုံ့မှိုင်းနေတဲ့သရုပ်ဆောင်တစ်ယောက်။
ESTÁS LEYENDO
ငါဒီရုပ်ရှင်ထဲကူးပြောင်းလာဖူးတယ် « 这个电影我穿过 »
Misterio / SuspensoFan translation of 这个电影我穿过 [I've Transmigrated Into This Movie Before] Author 梦魇殿下 [Mèngyǎn diànxià (Her Highness, the nightmare)] Status in COO 174 Chapters (+ 2 Extra Chapters) ©️ Cover illustration is fully credited to Z...
