{Unicode}
အခန်း ၁၂: ဆက်ကပ်ပွဲ
နှစ်ရက်ကြာပြီးနောက်
နင်နင်တံခါးမကြီးရဲ့တစ်ဖက်ခြမ်းကို ပထမဆုံးအကြိမ်အဖြစ်ခြေချလိုက်တာနဲ့ မြင်လိုက်ရတဲ့အပြင်လောကမြင်ကွင်းက သူမရဲ့မျက်လုံးတွေကိုကျယ်သွားစေတယ်။ သူမအသက်ရှူသွင်းလိုက်ကာ နည်းနည်းစိတ်လှုပ်ရှားနေတယ်။ သူမနောက်ခြေလှမ်းကို ဘယ်ခြေနဲ့စရမလား ညာခြေနဲ့စရမလား?
သူမရဲ့အရှေ့ကသူဌေးချူကလက်ဆန့်ထုတ်ပေးလာကာ ပြုံးရင်းပြောလာတယ်။ "လာ"
"လူများတယ်၊ အနားကပ်" သူဌေးချူသူမရဲ့လက်ကိုတင်းတင်းကျပ်ကျပ်ဆုပ်ကိုင်ကာ ပြောလာတယ်။ "လက်မလွှတ်လိုက်နဲ့"
နှစ်သစ်ကူးခါနီးကာလဖြစ်တာကြောင့် လမ်းတွေကနှစ်ကူးမုန့်တွေရဲ့အနံ့အသက်တွေနဲ့ပြည့်လို့နေတယ်။ အသားငါး၊ ဟင်းခတ်အမွှေးအကြိုင်၊ အစာခြောက်နဲ့ မုန့်ပဲသရေစာတွေစုံစုံလင်လင်ရနိုင်တာကြောင့် ဈေးလမ်းမမှာလူတွေကျိတ်ကျိတ်တိုးလို့နေတယ်။
နင်နင်ဘဲကင်ဆိုင်ရှေ့မှာခြေလှမ်းတွေတန့်ကာ နေရာကမရွေ့ဘဲရပ်နေမိတယ်။ "ပြန်ရင်တစ်ကောင်ဝယ်ကျွေးမယ်" သူဌေးချူပြောလာတယ်။ "ချက်ချင်းမှမစားသေးတာ၊ အခုဝယ်ရင်အေးသွားလိမ့်မယ်"
သူဌေးချူကသူမကိုအပြင်ခေါ်ထုတ်လာပေးပေမဲ့ မျက်နှာဖုံးချွတ်ခွင့်တော့မပေးပေ။
"ဟုတ်၊ သမီးလည်းအခုဗိုက်မဆာသေးဘူး" နင်နင်ဆီရောင်ဝင်းနေတဲ့ဘဲကောင်လုံးကင်ဆီကနေအကြည့်လွှဲကာပြောလိုက်တယ်။ "ဆက်ကပ်ပွဲသွားကြည့်ရအောင်၊ ပြီးရင်ဒီကိုပြန်လာမယ်နော်"
သူတို့နှစ်ယောက်လက်ချင်းချိတ်ကာဆက်လျှောက်လာခဲ့တယ်။ လမ်းသွားလမ်းလာတစ်ယောက်က သူတို့ကိုသတိထားမိကာ နင်နင်ရဲ့မျက်နှာဖုံးကိုလှောင်ရယ်လို့လာတယ်။ နင်နင်ကစိတ်ထဲမထားပေမဲ့ သူဌေးချူကတော့အဲ့ဒီလူကိုလဲကျသွားအောင်ခြေထိုးခံပြီး သူ့ရဲ့လက်ကိုကျိုးသွားအောင်တက်နင်းချလိုက်တယ်။ တစ်ဖက်လူဒေါသထွက်ပြီးအော်ဟစ်တော့မယ့်အချိန်မှာပဲ သူဌေးချူကခေါင်းငုံ့ကာ အေးစက်စက်ပြောလိုက်တယ်။ "ငါတကယ်တော့မင်းရဲ့လည်မျိုကိုနင်းသတ်ချင်တာ"
أنت تقرأ
ငါဒီရုပ်ရှင်ထဲကူးပြောင်းလာဖူးတယ် « 这个电影我穿过 »
غموض / إثارةFan translation of 这个电影我穿过 [I've Transmigrated Into This Movie Before] Author 梦魇殿下 [Mèngyǎn diànxià (Her Highness, the nightmare)] Status in COO 174 Chapters (+ 2 Extra Chapters) ©️ Cover illustration is fully credited to Z...
