[Book-2]ငါလေးကတာဝန်ကျေတဲ့ဇနီးလေးနဲ့မေတ္တာရှင်မိခင်ဖြစ်လာတယ်[ဘာသာပြန်]

*227* နေ့ခင်းဘက်မှာမကောင်းတာလေးလုပ်ရအောင်

ရုန်ယိကြောင့် ချီလန်မှာ တစ်ကြိမ်အပြင်းအထန် ဒဏ်ရာရဖူး၏။ အကယ်၍ သူသာ ချီလန့်ကို နောက်တစ်ကြိမ် ဒဏ်ရာရအောင်ပြုလုပ်ခဲ့မိပါလျှင် ပြန်ကောင်းလာခဲ့ရင်တောင်မှဘဲ သူ့ရဲ့မိုးကြိုးစမ်းသပ်မှုကိုဖြတ်ကျော်ဖို့က အတော်လေးခက်ခဲသွားမှာဖြစ်လေသည်။ ဒါကြောင့် နောက်ဆုံးတော့ ရုန်ယိလည်း လက်ကောက်ကို ချီလန့်ဆီ ပြန်မပေးတော့ဖို့သာ ဆုံးဖြတ်လိုက်တော့သည်။

ချီလန် သူ့ဆီလက်ဆောင်ပို့ပေးခြင်းရဲ့ရည်ရွယ်ချက်အမှန်ကို မသိသော်ငြားလည်းဘဲ အလကားလက်မခံလိုက်ချင်ပေ။ ဒါပေမဲ့ အခုလောလောဆယ် သူ့မှာ လက်ဆောင်ပြန်ပေးစရာလည်း ဘာမှရှိမနေတာကြောင့် တစ်ခဏလောက် တွေးတောကြည့်ပြီးနောက် သူ့စိတ်ရင်းကိုပြသနိုင်ရန် မွမ်းမံခြင်းအင်းကွက်အစုံလိုက်နဲ့ သူခေတ်သစ်ကယူလာတဲ့ သရေစာမုန့်တွေကို ပြန်ပေးလိုက်လေသည်။

ရုန်ယိရဲ့လက်ဆောင်က ပိုတန်ဖိုးရှိပုံပေါ်နေပေမဲ့လည်း သူကတော့ မလုံလောက်သေးဘူးလို့ထင်မိဆဲပင်။ ဘယ်လိုဘဲဖြစ်ဖြစ် ရုန်ယိရဲ့ မွမ်းမံခြင်းအင်းကွက်ဆိုတာက သူအလိုရှိသလောက် ရေးထွင်းလို့ရပေမဲ့ ချီလန်ရဲ့လက်ဆောင်ကတော့ နောက်တစ်ခုဆိုတာမရှိပေ။

သို့သော်လည်း ထိုလက်ဆောင်တွေပို့ပေးလိုက်ပြီးနောက်မှာတော့  ရုန်ယိမှာ နောင်တရလွန်းတာကြောင့် သူရင်ဘက်သူပြန်ထုမိမတတ်ဖြစ်သွားသည်။

"ကလေးတွေအဖေ..."
သူ့မှာ ငိုချင်တာတောင် ကျစရာမျက်ရည်မရှိတော့သလိုမျိုး ခံစားနေရတာကြောင့် ယင်ကျင်းရဲ့ကို ဖက်လိုက်ပြီး
"ကျွန်တော့်ကိုယ်ကျွန်တော် တော်တော်လေးတုံးတာဘဲလို့ ခံစားနေရတယ်.. ချီလန်က ကျွန်တော့်ကို မုန်းနေတာသိတာတောင် သူ့ကို မွမ်းမံခြင်းအင်းကွက်တွေ သွားလက်ဆောင်ပေးလိုက်ရတယ်လို့.. ကျွန်တော်ဘာဖြစ်နေတာလဲ... အသက်ရှင်ရတာ ကြာနေပြီလို့တွေးမိလို့များ ကျွန်တော့်ကို လာရိုက်သတ်လို့ရအောင် သူ့မှော်လက်နက်ကို အစွမ်းထက်အောင်လုပ်ပေးလိုက်တာများလား... ချီလန်ကတော့ ကျွန်တော်က သူ့လက်နက်ကို အညံ့စားလို့တွေးနေပြိး သူ့ကို စိန်ခေါ်လိုက်တာလို့ ထင်သွားတော့မှာ.. သေချာပေါက် ဒေါသတွေပေါက်ကွဲပြီး ကျွန်တော့်ကို အခုချက်ချင်းလာသတ်ချင်နေမှာဘဲ"