Unicode
အခန်း (၅) နိုးထခြင်း
ဖူရွင်းက အရမ်းမငယ်ရွယ်တော့တဲ့အတွက် သူ့အတွက်ပြုတ်ကျတာခက်ခဲတယ်။
ဝမ်ဟွေ့ကျင်းက အမြန်ပင်ကူညီလိုက်ပြီး မသိစိတ်ကနေ သူမ ၁၆နှစ်ကြာပျိုးထောင်ခဲ့သော ယွီကျစ်ယွီကို အမိန့်ပေးလိုက်တယ်။
"ကူညီဦး!"
ယွီကျစ်ယွီလည်း သူမစကားနားထောင်လိုက်ပြီး ဖူရွင်းကို ကူလိုက်တယ်။
"အစ်ကိုကြီး မင်းအဆင်ပြေရဲ့လား"
အစ်ကိုကြီး...
ဖူရွင်း သူ့ဒေါသကိုမထိန်းနိုင်တော့ဘူး။
ထိုမှသာလျှင် ဝမ်ဟွေ့ကျင်းသည် ယွီကျစ်ယွီဟာ အရင်ကလို မလိမ္မာတော့ပဲ မစဥ်းစားတတ်တော့ကြောင်း သဘောပေါက်လာခဲ့သည်။
ယွီကျစ်ယွီလည်း နီးကပ်ဖို့ မကြိုးစားတော့ပဲ ပြောလာခဲ့သည်။
"ကျွန်တော့်ပစ္စည်းတွေ ကျွန်တော်ပြန်လိုချင်တယ်"
"မင်းပစ္စည်း?"
ဖူရွင်း အသက်ပြင်းပြင်းရူပြီး စိတ်သက်သာရအောင်အသက်ပြင်းချကာ ပထမဆုံးအနေနှင့် သူဆိုလာခဲ့သည်။
"အဲ့ပစ္စည်းတွေကို ငါတို့ဝယ်ပေးထားတာ၊ ဘာလို့ မင်းက ယူသွားရမှာလဲ?"
ယွီကျစ်ယွီက ခေါင်းငုံ့လိုက်ပြီး ကလေးကိုချော့တဲ့လေသံနဲ့ ပြောလာခဲ့တယ်။
"စာရွက်စာတမ်းတွေကို ထည့်မစဥ်းစားဘူးလား..စာရွက်စာတမ်းတွေကို သိမ်းဆည်းထားတာ တရားမဝင်ဘူးနော်..ခင်ဗျား ကျွန်တော့်ကိုမပေးရင် ရဲကိုဖုန်းဆက်ရုံပဲ"
ဖူရွင်း: "........."
အခု သူ မငြင်းဆိုနိုင်တော့ပုံပေါ်သည်။
ဝမ်ဟွေ့ကျင်းက ထိုသတိပေးခေါင်းလောင်းကဲ့သို့စကားကို အထိတ်တလန့်ဖြစ်သွားပြီး ခဏတာမျှ စကားမပြောနိုင်ခဲ့ပေ။
"ဟုတ်တယ်၊ ဟုတ်တယ်။ ရဲကိုဖုန်းဆက်လိုက်"
ရင်းရှောင်းရွီသည် ဒါကိုအကြံကောင်းလို့ မထင်ထားမိဘဲ သူ့ဖုန်းကိုထုတ်ပြီးကိုင်လိုက်ပြီး..
"ငါအခု သက်သေကို ရိုက်ထားလိုက်မယ်"
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romance#This is not my own. #Credit to original Author & English Translator. #Fun transalation.
