Unicode
ထူးဆန်းလိုက်တာ၊ မူရင်းပိုင်ရှင်က ဘာလို့ ဒီလိုဟာမျိုးစားရကြိုက်တာလဲ?
ယွီကျစ်ယွီနားမလည်နိုင်ဖြစ်ပြီး မူလပိုင်ရှင်အကြံပြုထားတဲ့ နာနတ်သီးရေခဲခြစ်နဲ့ ဘလူးဘယ်ရီအချိုပွဲအတွက် မျှော်လင့်ချက်ပျောက်ဆုံးသွားလေတယ်။ သို့ပေသိ, အပြင်ရှိလမ်းမကြီးက ကျန့်ဖုန်းရိပ်သာလမ်း ဖြစ်ကြောင်း သတိပြုမိသွားပြီး ရင်းနှီးနေသလိုခံစားရတာကြောင့် သက်တော်စောင့်ကိုမေးလိုက်သည်။
"ဒီနားမှာ မင်းရွှယ် လမ်းကြားရှိသလား?"
"ရှိတယ်၊ ဘာမှားလို့လဲ?"
ကျွန်တော် သွားကြည့်ချင်လို့၊ အဲ့က နာနတ်သီးရေခဲခြစ်က အရမ်းအရသာရှိတယ်လို့ တစ်ယောက်ယောက်ပြောဖူးလို့"
"အဲ့မှာ အဟုတ်ကို သရေစာတွေရောင်းချတဲ့လမ်းရှိတယ်"
ယွီကျစ်ယွီ အပျော်လွန်သွား၏။
"ဒါဆို သွားကြစို့!"
သူသည် ဝက်ဆားနယ်ခြောက်မကြိုက်သော်လည်း သေချာပေါက် နာနတ်သီးရေခဲခြစ်ကို ကြိုက်မည်ပင်။ မူလပိုင်ရှင်၏ အကြံပေးချက်ကို သူ တကယ် စမ်းစားကြည့်ချင်သည်။
မင်းရွှယ်လမ်းကြားက ကျဥ်းမြောင်းသောကြောင့် ကားဝင်ဖို့ခက်ခဲစေသည်။ ယွီကျစ်ယွီသည် သက်တော်စောင့်တချို့နဲ့ လျှောက်ဝင်သွားပြီး တကယ်ကို သရေစာလမ်းကြားဖြစ်ကြောင်း ရှာတွေ့လိုက်ရသည်။
သူ သာယာကြည်နူးသွားကာ "ဒီလမ်းကြားက သရေစာမုန့်တွေက အကောင်းဆုံးပဲ၊ နာနတ်သီးရေခဲခြစ်က ဘယ်နေရာမှာလဲဆိုတာ ငါကြည့်,ကြည့်ဦးမယ်....."
ယွီကျစ်ယွီသည် လမ်းစမှ အဆုံးထိ လမ်းလျှောက်လိုက်ပြီး နာနတ်သီးရေခဲခြစ်နဲ့ မကြုံကြိုက်လိုက်ရပေမယ့် အသိတစ်ယောက်နဲ့တော့ ဆုံလိုက်ရ၏။
"ဘာလို့ မင်းကဒီမှာတုန်း?"
ဝမ်ယိုဟွား အံ့သြသွားသည်။
ယွီကျစ်ယွီလည်းဘဲ ထပ်တူညီစွာ ပဟေဠိဖြစ်နေသည်။
"ခင်ဗျားလည်း ဒီမှာ အရသာရှိတာတစ်ခုခုလာရှာတာလား?"
"ဘာအရသာရှိတဲ့ဟာလဲ?"
ဝမ်ယိုဟွား ချဥ်းကပ်သွားပြီး သူ့နား,နားမှာတိုးတိုးလေး ကပ်ပြောလာသည်။
"ငါ ကောင်းကျန့်ပေါ်အကြောင်း စုံစမ်းရင်းနဲ့ ဒီမှာအဆုံးသတ်သွားတာ၊ သူ့ဇနီးဟောင်းက ဒီမှာနေနေတာ"
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
