Unicode
ဖူဟန် တည်ငြိမ်စွာ ပြန်ဖြေလိုက်သည်။
"အဆင်ပြေပါတယ်။ မင်း ဘာရှာနေမှန်း ကိုယ်နားမလည်ရုံတင်"
ယွီကျစ်ယွီသည် သူ့ကို အထပ်ထပ်အခါအခါကြည့်လာခဲ့ပြီး မျက်နှာမှာဒေါသရိပ် လုံးဝမရှိတာကိုတွေ့တော့မှ ပိုပြီးတတ်ကြွလာခဲ့သည်။
"ကျွန်တော်လည်း နားမလည်ဘူးလို့ပြောရင် ခင်ဗျား ကျွန်တော့်ကို ရိုက်မှာလား?"
ဖူဟန် မျက်မှောင်ကြုတ်မိသွားပြီး လက်မြှောက်ကာ သူ့မျက်နှာလေးကိုဆွဲဆိတ်လိုက်၏။
"အွန်း"
ယွီကျစ်ယွီ ညည်းညူလိုက်ကာ
"ကျွန်တော့မျက်နှာကို ဆွဲညှစ်ဖို့ခွင့်မပြုဘူးဆိုပြီး ကြိုပြောဖို့ မေ့သွားတယ်"
ဖူဟန် ပြုံးလိုက်သဖြင့် လေထုအခြေအနေက ပိုကောင်းသွားလေသည်။
သူတို့ ဒရိုင်ဘာကိုခေါ်လိုက်ပြီး ကားပေါ်မှာ နားလိုက်ကြပြီးမှ နောက်တစ်နေရာဆီကို သွားကြသည်။ နောက်တစ်နေရာကတော့ shopping plaza ဘေးနားက လမ်းတစ်ခုမှာပင်။ ဘယ်ကွေ့ပြီး ညာချိုးလိုက်တာနဲ့ သူတို့ လူတွေ ပျားပန်းခပ်လှုပ်ရှားနေတဲ့ နေရာကနေ ပိုပြီးအလှမ်းဝေးလာခဲ့သည်။
ယွီကျစ်ယွီက လမ်းလျှောက်ရင်း စိတ်ပူသည်ထက်ပူလာခဲ့သည်။
နောက်ထပ်အသုံးမဝင်တဲ့နေရာတစ်ခုသာဆိုရင် ဖူဟန် တကယ်စိတ်ဆိုးတော့မှာ။
ယွီကျစ်ယွီ စဥ်းစားပြီးနောက် ကြိုတင်ကာကွယ်တဲ့အနေနဲ့ ကြိုပြောထားဖို့ ဆုံးဖြတ်လိုက်သည်။
"စီနီယာက အဲ့မှာ ထူးခြားတဲ့ဆိုင်လေးရှိတယ်၊ သွားလည်သင့်တယ်လို့ ပြောခဲ့တာ....ဆိုတော့ ကျွန်တော်တို့ အသုံးမဝင်ဘူးလို့ရှာတွေ့ရင်တောင် ဘာလို့ အလည်အပတ် စျေးဝယ်ထွက်လာတယ်လို့ပဲ မသတ်မှတ်လိုက်ရမှာလဲ"
"အင်း ကွေ့လိုက်ရင် ရောက်ပြီ"
သူတို့ ထောင့်ကို တူတူကွေ့လိုက်ပြီးနောက် ဆိုင်ရဲ့နာမည်ကို သူတို့မြင်သောအခါ ရပ်တန့်သွားတော့သည်။
ဆိုင်နာမည်က ကျစ်လျစ်ပြည့်စုံပြီး လိုရင်းတိုရှင်းပင်။ စာလုံးလေးလုံးသာ: 'လူကြီးထုတ်ကုန်များ'
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
