ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်

Ep - 82

Unicode

ကားရောက်လာတော့ ဖူဟန် ကားတံခါးဖွင့်ကာ ယွီကျစ်ယွီကိုအရင်တွန်းထည့်လိုက်၏။ သူ့ကို ထိုးထည့်ပြီးတာနဲ့ထိုင်ခုံခါးပတ်ကိုဆွဲယူကာ မလျော့မတင်းလွန်းသောအခြေအနေရောက်အောင် ဒုက္ခခံပြီး ချိန်ညှိလိုက်သေး၏။

ထိုအရာဟာ ကားမတော်တဆမှုရဲ့ နောက်ဆက်တွဲအရိပ်ဖြစ်ပုံရသည်။

ယွီကျစ်ယွီက ဂရုတစိုက်နဲ့ပြောလိုက်လေတယ်။
"မစိုးရိမ်ပါနဲ့၊ ကျွန်တော်တို့ ဘေးကင်းကင်းနဲ့ အိမ်ပြန်ရောက်မှာပါ"

ဖူဟန်က မျက်မှောင်ကြုတ်ကာ သူ့ကို ရှုတ်ထွေးသောအကြည့်နှင့် ကြည့်လာသည်။

ယွီကျစ်ယွီ အံ့အားသင့်သွား၏။

သူ တစ်ခုခုမှားပြောမိလို့လား?

မူရင်းဝတ္ထုတွင် ဖူရွင်းကြောင့်ဖြစ်ခဲ့​သော ကားမတော်တဆမှုအကြောင်းကို သိပ်မရေးထားပေ။ ထိုမှာပြောထားသည်က ထရပ်ကားမောင်းနှင်သူသည် ရူးသွပ်သွားပြီး ဖူဟန် နှင့် ဖူဟန်၏မိခင် ရင်းရှောင်ယွဲ့တို့ ထိုင်နေသည့်ကားဆီ ဝင်တိုက်ကာ လမ်းဘေးဆီသို့တိုင်တွန်းတိုက်သွားသည်ဟုသာ။ အရှိန်လျှော့ရမည့်အစား ထိုသူသည် လီဗာကိုနင်းကာ ကားကိုညှစ်ပြီး ပုံပန်းပျက်သွားစေရန် ကြံစည်ကြိုးပမ်းခဲ့သည်။

[T/N - ဖူဟန်တို့ကားက ထရပ်ကားနဲ့လမ်းမဘေးကလက်ရန်းတိုင်တွေကြားမှာ ညှပ်နေတာပါ။ မြင်ယောင်ကြရဲ့လားရှင့်]

ကံကောင်းထောက်မစွာဖြင့်၊ ကား၏အရည်အသွေးကကောင်းမွန်နေခဲ့ပြီး ဘေးတွင်လည်း လူကယ်ချင်နေသော ဖူမိသားစု၏ကား ပါလာခဲ့တယ်။ သူတို့က စွန့်စားပြီး ပြစ်မှုကျူးလွန်သူ ထရပ်ကားကို ဖယ်လိုက်သည်။ ရှေ့ထိုင်ခုံမှ ယာဥ်မောင်းမှာ ပွဲချင်းပြီး သေဆုံးသွားခဲ့ပြီး နောက်ခုံရှိ ဖူဟန်နှင့်ရင်းရှောင်းယွဲ့တို့ကိုဖြင့် ခြေလက်ဆုံရှုံးသွားခြင်းမရှိဘဲ ပကတိအတိုင်း ကယ်ဆယ်နိုင်ခဲ့သည်။

ဖူဟန်၏ စိုးရိမ်ရသော ဒဏ်ရာသည် ဦးခေါင်းထိမှန်သွားသောကြောင့်ဖြစ်ပြီး ရင်းရှောင်ယွဲ့၏သေဆုံးမှုသည် လမ်းဘေးရှိလက်ရန်းကျိုးသွားကာ ကားမှန်မှတစ်ဆင့် သူမခန္ဓာကိုယ်ကို ထိုးစိုက်သွားခဲ့သောကြောင့် ဖြစ်သည်။ ထိုအချိန်တွင် သူမအဆင်ပြေသေးသော်လည်း ကယ်ဆယ်နေစဥ်အတွင်း သွေးထွက်လွန်ကာ အသက်မရှင်နိုင်ခဲ့ပေ။