Unicode
အခန်း (33) heart to heart
မတော်တဆမှုမဖြစ်မီတွင် ဖူဟန်တွင် နေအိမ်နှစ်လုံးရှိခဲ့သည်။
တစ်ခုက ကုမ္ပဏီဘေးမှာ ယာယီနေထိုင်တဲ့အိမ်လိုမျိုး အလုပ်သွားရလွယ်ကူအောင် ဝယ်ထားပေမယ့် လူသူဝေးရာကို နှစ်သက်တဲ့ ဖူဟန်ကတော့ အမြဲတမ်းနေအိမ်အဖြစ် သတ်မှတ်ထားခဲ့သည်။ အခြားတစ်ခုကတော့ သူ့အမေ ရင်းရှောင်ယွဲ့နဲ့အတူ နေထိုင်တဲ့ ဗီလာဖြစ်ပြီး အားလပ်ရက်တွေဆို အိမ်ပြန်ရမည်ဖြစ်သည်။ အမှီအခိုကင်းလာသော ဖူဟန်အတွက် မနှစ်သက်စရာဖြစ်သော်လည်း ငယ်စဥ်ကလေးဘဝတည်းက သူ့ပစ္စည်းများ သိမ်းဆည်းထားသောကြောင့် ထိုအိမ်က အထူးအဓိပ္ပါယ်ရှိနေသည်။
ကုမ္ပဏီဘေးရှိနေအိမ်ကို ရင်းရှောင်ယွဲ့မှ ခွင့်ပြုချက်မရှိဘဲ ရှင်းထုတ်ပစ်ခဲ့ပြီး ဖူဟန်ကလည်း ပြန်လည်မဝယ်ယူခဲ့ပေ။
ဒါကြောင့်, ယွီကျစ်ယွီသည် သူတို့ အမှတ်ရစရာများနှင့်ပြည့်နှက်နေသည့် သူ့မိခင်နဲ့ဆက်စပ်နေသောအိမ်ကို သွား နေကြောင်း ကောင်းကောင်းသိသည်။ ဖူဟန်သည် အိမ်ပြန်ခရီးကို စတင်ရန် ဆုံးဖြတ်ချက်ကြီးကြီးချခဲ့ရပြီး ထိုအချိန်တွင်ပင် သူ့မှာ ကူကယ်ရာမဲ့နေသော အမူအရာမျိုး ရှိနေခဲ့သည်.....
ယွီကျစ်ယွီ နူးညံ့စွာ သဘောတူလိုက်သည်။
"ကောင်းပြီ၊ ကား ဘယ်မှာလဲ"
"အောက်ထပ်မှာ၊ သွားကြစို့"
သူ သဘောတူလိုက်တာကိုကြားပြီးနောက် ဖူဟန်၏အမူအရာဟာ အများကြီးသက်သာရာရသွားပြီး သူ့လက်ကို အမြန်ဆွဲယူကာ တင်းတင်းကျပ်ကျပ်ဆုပ်ကိုင်လိုက်သည်။
အရမ်းကိုမှ တင်းကြပ်လွန်းလှသည်။
ယွီကျစ်ယွီကတော့ နာကျင်မှုကိုမခံစားရပါဘူး။ သူက ရယ်စရာကောင်းသည်ဟု တွေးမိရုံလေးတင်။ ထိုလူက သူ့လက်ကို အကြာကြီးကိုင်ထားမိရင်တောင် မျက်မှောင်ကြီးကြုတ်ပြီးအနှောင့်အယှက်ဖြစ်တတ်ပေမယ့် အခုတော့ဖြင့် အနောက်မှာ သူကျန်ရစ်ခဲ့မှာကိုကြောက်သလိုမျိုး သူ့လက်ကိုတင်းတင်းကျပ်ကျပ်ပ်ဆုပ်ကိုင်ထားကာ တောက်တဲ့လိုကပ်နေခဲ့သည်။
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
