Unicode
နူးညံ့ပြီး ချိုသာတဲ့ အသံလေးက နားနားမှာ ပျံ့လွင့်လာတာကြောင့် ဖူဟန် စိတ်ထဲ လှုပ်ရှားသွားစေကာ သိမ်းသွင်းလိုက်နိုင်သည်။ သူ့ကိုလည်း ကျောပိုးပြီးသားဖြစ်တာမို့ ခဏလောက် အတူတူ ဆော့ပေးလိုက်ရင်လည်း ဘာမှမဖြစ်ပါဘူးလို့ ဖူဟန် တွေးလိုက်ပြီး ယွီကျစ်ယွီ စိတ်တိုင်းကျ ခွင့်ပြုပေးလိုက်သည်။
ပစ္စည်းထုတ်ကို သယ်ထားသော ယိချန်ကို သက်တော်စောင့်က အိမ်ထဲ ခေါ်လာပေးခဲ့သည်။
"မင်းက တာ့ဟွမ်လား?"
ဧည့်ခန်းထဲမှာ နှစ်နှစ်ခြိုက်ခြိုက် အိပ်ပျော်နေတဲ့ ခွေးကြီးကို သက်တော်စောင့် တွေးမိသွားပြီး သူ့နှုတ်ခမ်းတွန့်သွားခဲ့သည်။
"မဟုတ်ပါဘူး။ တာ့ဟွမ်က အိပ်နေတယ်။ မင်း ဘာလို့ သူ့ကို ရှာတာလဲ"
"ပစ္စည်းလာပို့တာလေ"
"ပစ္စည်းပို့တာက ဒီဘက်မှာပါ"
သက်တော်စောင့်နဲ့ ယိချန်တို့ဟာ သူတို့ကိုယ်ပိုင်ကုတ်များဖြင့် တစ်ယောက်တစ်ပေါက် ပြောနေကြပေမဲ့ ဆက်သွယ်ပြောဆိုမှုမှာတော့ ဘာအတားအဆီးမှ မရှိဘဲ တိုက်ခန်းထဲ အတူတူ ဝင်လာကြသည်။
သူတို့ ဝင်လိုက်တာနဲ့ ဧည့်ခန်းထဲရှိ ကစားနေတဲ့ နှစ်ယောက်ကို တွေ့လိုက်ရပြီး ကြက်သေ,သေသွားကြသည်။ ထို့နောက် ယွီကျစ်ယွီကို ကျောပိုးပြီး လှည့်ပတ်နေတဲ့သူက ဖူဟန်ဖြစ်ကြောင်း သဘောပေါက်သွားကြပြီး ပိုလို့တောင် တအံ့တဩ ဖြစ်သွားကြ၏။
အံ့သြစရာအကောင်းဆုံးကတော့ ဖူဟန် ရဲ့ မျက်နှာအမူအရာပဲ။ ပုံမှန်ဆို ရေခဲရိုက် မျက်နှာပေးမျိုး ရှိတတ်ပြီး ယွီကျစ်ယွီနဲ့ မျက်လုံးချင်းဆုံတာတောင် ရှားပေမယ့် အခုတော့ဖြင့် ပြုံးရယ်နေပြီး ယွီကျစ်ယွီကို ဒုတိယထပ်က ပန်းအိုးကို လှမ်းယူနိုင်အောင် ကူညီပေးနေခဲ့သည်။
သက်တော်စောင့် ဆွံ့အသွားချေသည်- ဒါ ငါ့ရဲ့ဘော့စ်ရော ဟုတ်ရဲ့လား။
ယိချန်သည် အော်ဒါမှာတဲ့သူက ဖူဟန်ဆိုတာ တွေ့လိုက်ရတော့ စိတ်ဆိုးသင့်ပေမယ့် ဦးနှောက်မရှိတဲ့ အပြုအမူဖြစ်သည့်တိုင်၊ သူ့ဇနီးကို အလိုလိုက်နေတဲ့ ဖူဟန်ကို မြင်လိုက်ရတော့ စိတ်တောင် မဆိုးနိုင်တော့ဘူး: ဖြစ်နိုင်တာက.. ယွီကျစ်ယွီက ဖူဟန်နဲ့ ဆန္ဒအလျောက် အတူရှိနေတာပဲဖြစ်မယ်။
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
