Unicode
"ငါတို့ ကြိုးစားခဲ့တယ်။ ဒါပေမဲ့ သက်သေခံပစ္စည်းမရှိဘဲ စကားနဲ့ပဲလေ။ ဘယ်သူက လူရမ်းကားတွေကို ယုံကြည်မှာလဲ။ ငါက သူတို့ထဲမှာဆို အရှင်းလင်းဆုံးလူပဲ။ တခြားသူတွေက လောင်းကစား၊ မူးယစ်ဆေး၊ ပြည့်တန်ဆာလုပ်ငန်းတို့ထဲ အနည်းဆုံးတစ်ခုခုမှာ ပါဝင်နေတာ။ ထောင်လည်း ကျဖူးကြတယ်။ တခြားသူတွေရဲ့အမြင်မှာဆို သူတို့အားလုံးက သေသင့်တဲ့ ဆန်ကုန်မြေလေးတွေချည်း။ ငါတို့ တကယ်သေသွားခဲ့ရင်တောင်မှ တချို့က တရားမျှတမှုကို ဖော်ဆောင်နိုင်တယ်လို့တောင် ထင်သွားနိုင်တယ်"
အဲဒီနှစ်တွေတုန်းက စိုးရိမ်မှုတွေ၊ ကြောက်ရွံ့မှုတွေ၊ ဆဲဆိုခံခဲ့ရတဲ့အကြောင်းတွေကို တွေးမိတော့ ယိချန်တစ်ယောက် ပြောလေလေ၊ ဒေါသတကြီးဖြစ်လာလေလေပဲ။
ယွီကျစ်ယွီ ဘာပြောရမှန်းမသိတော့။
သူသာ အပြင်လူတစ်ယောက်ဆိုရင် သူလည်း ဖူရွင်းကိုပဲ ပိုယုံကြည်မိမှာ။ ဖူရွင်းက ဂုဏ်ရှိတဲ့သူ၊ ထူးချွန်တဲ့ စွန့်ဦးတီထွင်လုပ်ငန်းရှင်အဖြစ် သတ်မှတ်ခံရပြီး သူ့ရဲ့ပရဟိတလုပ်ငန်းတွေကလည်း သတင်းတွေမှာ ဖော်ပြခံခဲ့ရသည်။ ဒါဆို ယိချန်လို လူရမ်းကားတစ်ယောက်ကရော? သာမန်လူတစ်ယောက်က သူတို့ကိုတွေ့ရင် ရှောင်သွားကြလိမ့်မယ်။ သူတို့က ဖူရွင်းကြောင့် ဒုက္ခရောက်ခဲ့ရတယ်လို့ကြားရင် လူတွေက ယုံကြည်နိုင်မှာမဟုတ်ဘူး။ ဖူရွင်းက သူ့ဟာသူ ငွေရှာရင်း အလုပ်များနေမှာကို ဒီလိုလူရမ်းကားတွေနဲ့ အရှုပ်လုပ်ဖို့ ဘယ်လိုလုပ်အချိန်ရှိမှာလဲ?
ဖူဟန်သည် ယိချန်ကို ဆက်မဒေါသထွက်ခွင့်မပေးတော့ဘဲ လက်တွေ့ကျတဲ့ မေးခွန်းတစ်ခုကို မေးလိုက်သည်။
"သက်သေခံပစ္စည်းမရှိဘူးဆိုတာ မင်း သေချာလား?"
"မရှိလောက်ဘူးထင်တယ်။ သူတို့က သူတို့လုပ်တဲ့အရာတွေက မရိုးဖြောင့်မှန်းသိတော့ သက်သေချန်ရဲမှာမဟုတ်ဘူး"
"အနည်းနဲ့အများတော့ လွဲချော်တာတွေ ရှိမှာပဲ။ ကျွန်တော်တို့ ရှာကြည့်လို့ရတယ်"
ယိချန် သက်ပြင်းချလိုက်ပြီး "ငါလည်း ရှာနေတာပဲ။ ဒါပေမဲ့ ဒီလောက်လွယ်တာမှ မဟုတ်တာ။ ဖူရွင်းက တစ်ယောက်ကိုသတ်ပြီး သတိပေးလိုက်တော့ တခြားသူတွေအားလုံး ကြောက်ကုန်ပြီး မလှုပ်ရဲကြတော့ဘူး။ သက်သေတွေရှိရင်တောင်မှ အသက်ရှင်ဖို့အတွက် သူတို့ဘာသာ သိမ်းထားကြတာ။ ဘယ်သူက အပြင်ထွက်ပြီး အသက်အန္တရာယ်ကို ရှာမှာလဲ"
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
