Unicode
"ကိုယ့်ကြောင့်လေ"
ဖူဟန်က အေးအေးဆေးဆေးပဲ ပြန်ဖြေသည်။
"သူက ကိုယ့်ကိုမယုံဘူး။ မင်း သူနဲ့နီးစပ်ချင်တယ်ဆိုရင် ကိုယ်နဲ့ မကျေပွဲရှိသလိုဟန်ဆောင်လိုက်"
ယွီကျစ်ယွီလည်း သဘောပေါက်၏။
"အဲ့ဒါဆို ကျွန်တော် ရေချိုးခန်းထဲမှာ ပုန်းပြီးတော့ တိတ်တိတ်လေး ခိုးပြီး မက်ဆေ့ချ်ပို့နေတာလို့ ပြောလိုက်မယ်။ ပြီးရင် သူဘာလုပ်ချင်လဲဆိုတာ မေးလိုက်မယ်"
"အင်း"
ဖူဟန်က ဂရုမစိုက်ပေ။ သူ့ရဲ့အာရုံက လှည့်ပတ်သွားနေတဲ့ သူ့လက်ချောင်းတွေဆီမှာပဲ ရောက်နေခဲ့သည်။
ယွီကျစ်ယွီသည် အင်္ကျီမ,တင်ခံလိုက်ရတုန်းက ဘာမှမခံစားရပေမယ့်၊ သူ ထိတွေ့ခံလိုက်ရမှ ယားသလိုခံစားလိုက်ရတာပင်။ သူ တုန်ရီသွားပြီး မတော်တဆ မက်ဆေ့ချ်ပို့မိသွားသည်။
"အာ..ကျွန်တော် မပြီးသေးဘူးလေ။ ကျွန်တော် မက်ဆေ့ချ်ကို သေသေချာချာပို့ဖို့ လိုတယ်။ ဆိုတော့ အခု ကျွန်တော်တို့ အကွာအဝေးထိန်းထားရအောင်"
ယွီကျစ်ယွီ သူ့ထိုင်ခုံဆီ ပြန်သွားထိုင်လိုက်ပြီး ဆူပုတ်ပုတ်နဲ့ စာရိုက်နေတော့သည်။
ခဏနေရင် ကားပေါ်မှဆင်းရတော့မှာမို့လို့ အကြာကြီးလည်း ထိတွေ့လို့မရတော့သောကြောင့် ဖူဟန် သူ့ကို တားမနေတော့။
"လောင်ကုန်း!"
ယွီကျစ်ယွီ ရုတ်တရက် စိတ်လှုပ်ရှားလာပြီး "အဲ့ဒါ တကယ် ဆိုင်ရှင်ပဲ! အခု ကျွန်တော် လုံခြုံရဲ့လားလို့ မေးနေတယ်!"
ဖူဟန်က တွေးလိုက်တာနဲ့ မနှစ်မြို့တော့။
"ကိုယ်တို့က စုံတွဲတွေနဲ့တူနေတာကို၊ သူက ဘာကို စိုးရိမ်နေတာလဲ"
"သူက ခင်ဗျားကို ဖူလီဖန်လို့ ထင်နေတာ"
"ဘာ?"
ဖူဟန်က ပိုလို့တောင် အမြင်ကပ်သွားတော့သည်။
"သူက ကန်းနေတာပဲ"
ယွီကျစ်ယွီ ရယ်လိုက်သည်။
"အရင် စိတ်မဆိုးနဲ့၊ သေချာစဥ်းစားကြည့်ပါဦး။ သူက ခင်ဗျားကို ဖူလီဖန်လို့ ထင်နေလို့ ကျွန်တော့်ရဲ့ လုံခြုံရေးကို စိုးရိမ်နေတာလေ...ဆိုလိုတာက စီနီယာက သူ့ကို ပြောထားလို့ပဲ။ အဲ့တော့ သူက ဖူလီဖန်ကို လူကောင်းမဟုတ်ဘူးလို့ ထင်ပြီး ဘယ်အချိန်မဆို စီနီယာကို ဒုက္ခပေးနိုင်တယ်လို့ ထင်နေတာပဲ"
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
