ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်

Ep - 93

Ep- 93

Unicode

မူလပိုင်ရှင်က ဖူလီဖန်ကို နှစ်နှစ်ကာကာ ချစ်သောကြောင့် လျို့ဝှက်ချက်ကို ထိန်းသိမ်းထားဖို့ သဘောတူခဲ့သည်။

ဒါပေမယ့် မူလပိုင်ရှင်က ငယ်ရွယ်ပြီး ဒီလိုလေးနက်စရာအခြေအနေမျိုးနှင့် မကြုံတွေ့ဖူးပေ။ သူ သဘောတူလိုက်သော်ငြာလည်း ဖူလီဖန်ရှေ့မှာ ထူးဆန်းစွာ ပြုမူခဲ့သည်။ ဖူလီဖန်ကလည်း တစ်ခုခုမှားနေပြီဟု အာရုံခံမိပြီး နှုတ်ပြောယှဥ်ပြိုင်ပွဲအပြီးတွင် သူနှင့် ဝမ်ယွင်ချန်တို့ ချိန်းတွေ့နေတာ ပေါ်သွားပြီဟု ထင်ခဲ့သည်။ သူက ထိုအကြောင်းကို မူလပိုင်ရှင်ကို ကွေ့ပတ်ပြီးမေးခဲ့ပေမယ့် မူလပိုင်ရှင်ကတော့ ပြောဖို့ငြင်းဆိုခဲ့သဖြင့် လက်လျှော့လိုက်ရသည်။

မူလစာအုပ်ရဲ့ဇာတ်ကြောင်းအရဆိုရင် မူလပိုင်ရှင်သေဆုံးပြီးမှ ဖူလီဖန်က အမှန်တရားကို စုံစမ်းခဲ့ရာ သူ့အဖေက ဗီလိန်ဖြစ်ကြောင်း တွေ့ရှိခဲ့သည်။ ထိုတော့မှ နှုတ်ပြောယှဥ်ပြိုင်ပွဲအပြီးတွင် ဖြစ်ပျက်သည်များကို သူနားလည်တော့သည်။

အခုတော့ 'ယွီကျစ်ယွီ'က အဆင်ပြေနေတယ်လေ။ ဘာလို့ ဖူလီဖန်က နှုတ်ပြောယှဥ်ပြိုင်ပွဲနေ့ကအကြောင်းကို သတိရရတာလဲ?

ယွီကျစ်ယွီ ရှုပ်ထွေးသွားသောကြောင့် သူ ဖူလီဖန်ကိုကြည့်လိုက်တဲ့အခါ သူ့အကြည့်က သိပ်မကြမ်းကြုတ်နေတော့။

သူ့အကြည့် အနည်းငယ်နူးညံ့သွားတာကို ဖူဟန်ကလည်း သတိပြုမိ၏။

ဖူဟန်၏မျက်ဝန်းတို့ နက်မှောင်သွားတယ်။ စကားလုံးထောင်ပေါင်းများစွာပါဝင်ပုံပေါ်နေတဲ့ သူတို့ရဲ့ eye contact ကို ရုတ်ခြည်း ပြတ်တောက်စေလိုက်ကာ  ယွီကျစ်ယွီကို ကောက်ချီပြီး ထွက်ခွာသွားတော့သည်။

"လောင်ကုန်း, ခင်ဗျား ဘာလုပ်နေတာလဲ?"

ယွီကျစ်ယွီသည် သူ့ခန္ဓာကိုယ် balanceကို ထိန်းဖို့အတွက် ဖူဟန်၏ပုခုံးပေါ်မှာ လဲလျောင်းနေရသည်။ သူ မကျေမနပ်နဲ့ စောဒကတတ်ရင်း "ခင်ဗျား ကျွန်တော့်ကို ဘာလို့ ဆန်အိတ်ထမ်းသလို ထပ်သယ်နေရတာလဲ? ရပ်တော့! ခင်ဗျား သွားချင်တဲ့နေရာကိုပဲပြောလိုက် ကျွန်တော် ကိုယ့်ဘာသာကိုယ် လျှောက်နိုင်တယ်"