Unicode
ယွီကျစ်ယွီက ဖုန်းနံပါတ်တစ်ခုရလိုက်ပြီးနောက် ဝမ်ယိုဟွားကို ဖုန်းဆက်လိုက်လေသည်။
သူက ဗီဒီယိုကိုကြည့်ဖို့ရန် မျှော်လင့်ချက်မထားရဲသော်ငြားလည်း ထိုအခင်းဖြစ်ပွားချိန်၌ မည်သည့်အရာဖြစ်ပျက်ခဲ့သည်ကို သိရှိလိုခြင်းသာ။
ဝမ်ယိုဟွားက ချက်ချင်း ဖုန်းကိုင်လာခဲ့သည်။
"ဟယ်လို, ဘယ်သူပါလဲ?"
"ကျွန်တော်က ယွီကျစ်ယွီပါ၊ ကျွန်တော်က....."
"အိုး! ဖူဟန်ရဲ့ဟာလေး!"
ယွီကျစ်ယွီ ခဏလောက် စိတ်ရှုတ်ထွေးသွားပေမယ့် ပျော်ရွှင်စွာ မရယ်ဘဲမနေနိုင်တော့ပေ: ဒါဆို သူနဲ့ဖူဟန်ရဲ့ ဆက်ဆံရေးအကြောင်း လူတော်တော်များများ သိကြတာပေါ့၊ မသိရင် တရားဝင်ကြော်ငြာထားသလိုပဲ။ အရမ်းမိုက်!
သူ စိတ်အခြေအနေအလွန်ကောင်းနေခဲ့ပြီး ရွှင်ပျစွာ ပြန်ဖြေလိုက်လေတယ်။
"ဟုတ်ပါတယ်! ကျွန်တော်ပါ!"
"ဖူဟန်က ငါ့ရဲ့အင်တာဗျူး လက်ခံလိုက်ပြီလား?"
"ဟင့်အင်း၊ ကျွန်တော် ကူပြီးဖျောင်းဖျပေးလို့ရတယ်။ ဒါပေမယ့် ကျွန်တော်မဖျောင်းဖျခင် ခင်ဗျားကို နည်းနည်း မေးစရာလေးရှိလို့"
ဝမ်ယိုဟွားက ရုတ်ချည်း စိတ်ဓာတ်တတ်ကြွလာပြီး ပြောလာ၏။
"မင်း ကြိုက်တာသာမေး!"
ယွီကျစ်ယွီက မေးဖို့ အားခဲလိုက်ရင်း "ဖူဟန်ရဲ့ကားမတော်ဆမှု အခင်းနေရာမှာ ခင်ဗျားလည်းရှိခဲ့တယ်မလား? ဘာတွေဖြစ်ခဲ့တာလဲ?"
ဝမ်ယိုဟွား ကိုးရိုးကားယားဖြစ်သွားကာ သူ့ရဲ့ဖြောင့်နေတဲ့အသံဟာလည်း တုံ့ဆိုင်းတုံ့ဆိုင်းဖြင့်။
"မင်းမေးချင်တာဒါလား? ဒါက ပြောဖို့ခက်တယ်၊ ဖူဟန်က တစ်ခြားသူတွေကို သိစေချင်မှာမဟုတ်......"
"ကျွန်တော်က တစ်ခြားသူမှမဟုတ်ပဲ။ သူ့ကောင်လေးဗျ"
ယွီကျစ်ယွီတစ်ယောက် ဆန္ဒစောနေလျက်ရှိပြီး သူ့ကောင်လေး အထောက်အထားကို ရောင်းစားလာလေသည်။
ဝမ်ယိုဟွားကတော့ ထိုဟာကိုမဝယ်ယူဘဲ တည်ငြိမ်စွာမေးလာလေတယ်။
"ဒါဆိုရင် မင်းတို့ရဲ့ဆက်ဆံရေးက တော်တော်လေး နီးကပ်ကြမှာဘဲ၊ ဘာလို့ သူ့ကိုပဲတိုက်ရိုက်မမေးလိုက်လဲ?"
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
