Ep- 95
Unicode
ညစာစားပြီးနောက်, တာ့ဟွမ်ကို သက်တော်စောင့်တွေ ပြန်ခေါ်လာခဲ့သည်။ ထိုကောင်က အိမ်ထဲရောက်တာနဲ့ ပတ်ပြီးခုန်ပေါက်နေတော့သည်။
ဖူဟန် မျက်မှောင်ကြုတ်ကာ ပြောလိုက်သည်။
"သူ့ကို terraceမှာ သွားထား"
ယွီကျစ်ယွီက ချက်ချင်း ပြန်ပြော၏။
"ဟင့်အင်း, ညဆို အရမ်းအေးတယ်။ သူက ဒီတိုင်းပတ်ပြေးနေရုံပါ ဘာကိုမှ မဖျက်စီးဘူး။ အန်တီ, ကျွန်တော် သူ့ကို အန်တီ့နေရာမှာ ထားလို့ရလား"
ရှန်ကျူးယွင်လည်း တာ့ဟွမ်ကို အရမ်းနှစ်သက်သောကြောင့် ခေါင်းညိတ်ကာ "ကောင်းပြီ, အန်တီ့ဆီမှာ အရင်ထား,ထားလိုက်"
"ကျေးဇူးပါ အန်တီ"
ယွီကျစ်ယွီ ဆောင့်ကြောင့်ထိုင်ချကာ ရှန်ကျူးယွင်နဲ့အတူ တာ့ဟွမ်ရဲ့ခေါင်းကို ပွတ်သပ်ပေးလိုက်သည်။
"သူက တုန်ရှန်းဘုရားကျောင်းက တာ့ဟွမ်နဲ့မတူဘူးလား? နည်းနည်းလေးပိုဝပြီး ပိုဝါတာကလွဲ ကျန်တာအကုန်တူတယ်ဟုတ်"
ရှန်ကျူးယွင်က ပြုံးကာ "ဟုတ်တယ်နော်, ဒီကောင်လေးက အများကြီးစားလို့ဖြစ်မယ် ဝဝကစ်ကစ်လေးနဲ့ တော်တော်လေး ချစ်စရာကောင်းတယ်"
ဖူဟန်က သူတို့စကားဝိုင်းကို စိတ်မဝင်စားလေဘဲ လမ်းတစ်ဖက်ရှိ သူ့တိုက်ခန်းကို ကူးသွားလေသည်။
ဖြစ်နိုင်တာကတော့ သူ အလုပ်ကို ထပ်စွဲလမ်းနေတာဖြစ်နိုင်တယ်။
ယွီကျစ်ယွီ သူ့မျက်လုံးထောင့်စွန်းကနေ ဖမ်းမိလိုက်ပြီး တာ့ဟွမ်နဲ့ ခဏမျှ ကစားပေးလိုက်ပြီးနောက် ရှန်ကျူးယွင်ကို ပြောလိုက်သည်။
"အန်တီ, ကျွန်တော် အိမ်စာလုပ်စရာရှိသေးတယ်။ ကျေးဇူးပြုပြီး တာ့ဟွမ်ကို ဂရုစိုက်ပေးပါဦးနော်"
"ကောင်းပါပြီရှင်, မင်း ညလယ်စာစားချင်သေးလား"
"မစားတော့ဘူး~"
ယွီကျစ်ယွီသည် ရှန်ကျူးယွင်ဘက်ရှိ မာစတာအိပ်ခန်းဆီ ပြေးသွားလိုက်ပြီး တံခါးလေးပိတ်၊ ဖုန်းလေးထုတ်ကာ Blacklistထဲရှိ ဖူလီဖန်ကို ရှာလိုက်သည်။
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
