Unicode
ယွီကျစ်ယွီ သက်ပြင်းချလိုက်ပြီး၊ ပွေ့ချီခံရလို့ တွန့်ကြေနေတဲ့ သူ့အဝတ်အစားတွေကို ငုံ့ကြည့်ပြီး ပြင်လိုက်သည်။ ပြင်လို့ပြီးတော့ မော့ကြည့်လိုက်တဲ့အခါ သူ့ရှေ့မှာ ဘယ်သူမှ မရှိတော့။ ပတ်ပတ်လည်ကို ကြည့်လိုက်တော့မှ အရောင်းကောင်တာဘက်ကို လျှောက်သွားတဲ့ ဖူဟန်ကို မြင်လိုက်ရသည်။
ဖူဟန်က ဆိုင်ရှင်ရဲ့ဖုန်းကို ဆွဲယူလိုက်ပြီး စခရင်ပေါ်ရှိ ဖုန်းခေါ်ဆိုမှု မျက်နှာပြင်ကို ပြလိုက်သည်။
"မင်း ရဲကို ဖုန်းခေါ်မလို့လား?"
"ငါ့ကို ပြန်ပေး!"
ဆိုင်ရှင်က ထရပ်ပြီး သူ့ဖုန်းကို ပြန်လုဖို့ ကြိုးစားသည်။
ဖုန်းမျက်နှာပြင်ပေါ်ရှိ ဂဏန်းတွေကို ဖူဟန် ဖျက်လိုက်ပြီး "မင်း နားလည်မှုလွှဲနေတာ၊ ငါနဲ့ငါ့မိန်းမက စ,နောက်နေရုံတင်"
ဆိုင်ရှင်က သူ့ဖုန်းကို ပြန်ယူလိုက်ပြီး တစ်ရှူးနဲ့ သုတ်လိုက်သည်။ ဖူဟန်ကို ကြည့်နေတဲ့ သူ့မျက်လုံးတွေမှာတော့ သတိနဲ့သံသယအပြည့် ရှိနေတုန်း။
"တကယ်လား? သူ့ကြည့်ရတာ အသက်ငယ်သေးတဲ့ပုံပဲနော်။ စောနက သူထွက်သွားချင်နေတာကို ခင်ဗျား ဘာကြောင့် သူ့ကိုဆွဲထားတာလဲ?"
ဖူဟန်က စိတ်မရှည်တော့ပေ။
"ငါ ပြောပြီးပြီလေ၊ ငါတို့က စ,နောက်နေရုံလို့"
ဆိုင်ရှင်က သူ့ဖုန်းကို သေချာကာကွယ်ထားပြီး ယွီကျစ်ယွီကို လှည့်ကြည့်လိုက်သည်။
"ဟေး, မင်း စောနက ကြောက်နေတာလား?"
ဖူဟန်လည်း လှည့်လိုက်ပြီး ယွီကျစ်ယွီကို စိုက်ကြည့်လိုက်သည်။
ယွီကျစ်ယွီက အခုမှ ရောက်လာတာတဲ့အတွက်ကြောင့် ဖူဟန်နဲ့ ဆိုင်ရှင် ဘာတွေပြောထားလဲဆိုတာ မသိဘူး။ သူ ရောက်လာတာနဲ့ သူ့ကို လူနှစ်ယောက် စိုက်ကြည့်နေတာကိုပဲ သိ၏။ သူ အနည်းငယ် ကြောင်သွားပြီး "ကျွန်တော် စောနက မကြောက်ဘူး၊ အခုကြောက်နေပြီ....ခင်ဗျားတို့ ဘာလို့ ကျွန်တော့်ကို ဒီလိုစိုက်ကြည့်နေတာလဲ?"
"သူ မင်းကို ခြိမ်းခြောက်နေတာလား?"
ဆိုင်ရှင်က ထပ်မေးလာသည်။
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
