Unicode
ယွီကျစ်ယွီ စာရွက်ပိုင်းလေးထုတ်လိုက်ပြီး "ဒီငါးနေရာပဲ"
"ကျွန်တော်တစ်ခုကို ဒရိုင်ဘာကိုပေးထားတယ်၊ ဒီတစ်ခုက ခင်ဗျားအတွက်"
ဖူဟန်ယူပြီး ကြည့်လိုက်တော့ [No.xx, xx လမ်း] တွေချည်းရေးထားတာ တွေ့လိုက်ရသဖြင့် မေးလိုက်သည်။
"ဒီနေရာတွေက ဘာတွေလဲ?"
"ဒိုင်ယာရီထဲမှာ စီနီယာမန်းရှင်းထားတဲ့ နေရာတစ်ချို့ပဲ။ ဒိုင်ယာရီထဲမှာ စားသောက်ဆိုင်တွေ၊ အစားအသောက်အကြောင်းတွေချည်းပဲ။ ကျွန်တော် အစက သိပ်အာရုံမထားမိပေမယ့် ဒီနေ့ကျွန်တော် မင်းရွှယ်လမ်းကြား လိပ်စာအတိုင်းသွားကြည့်တော့ ဝမ်ယိုဟွားနဲ့တွေ့ခဲ့တယ်"
ဖူဟန် ခန့်မှန်းမိလိုက်၏။
"အဲ့လိပ်စာက ကောင်းကျန့်ပေါ်နဲ့ဆက်နွယ်နေတဲ့လိပ်စာလား"
"ဟုတ်တယ်၊ ဝမ်ယိုဟွားက ကောင်းကျန့်ပေါ်နောက်လိုက်ပြီး မင်းရွှယ်လမ်းကြားကိုရောက်လာပြီးတော့ ကျွန်တော့်ကို လက်ပူးလက်ကြပ်မိသွားတယ်။ ကျွန်တော် သူ့ကို ဒိုင်ယာရီအကြောင်းမပြောချင်လို့ ကျွန်တော့်ကို ဖူလီဖန် ပြောတာလို့ပြောလိုက်တယ်သိလား၊ သူလည်း သံသဃမဝင်ဘူး"
"ဆိုတော့ မင်းက ဒိုင်ယာရီထဲရေးထားတဲ့ တခြားနေရာတွေကိုလည်း သွားကြည့်ချင်တယ်ပေါ့?"
ယွီကျစ်ယွီသည် ကနဦး၌ ဖူဟန်ကို ဘယ်လိုရှင်းပြသင့်လဲဟု စိုးရိမ်ခဲ့ပေမယ့် သူဆိုလိုတာကို ဖူဟန်နားလည်ကြောင်းလည်း တွေ့ရော ဝမ်းမြောက်သွားတော့သည်။
"အင်း! အဲ့အနီးနားမှာ ငါးနေရာရှိတယ်။ ကိစ္စကြီးမဟုတ်တော့ ကျွန်တော်တို့ စျေးဝယ်ထွက်လို့လည်းရသေးတယ်။ တုန်းဝမ့်စီရင်စုက ပျော်စရာတွေ အများကြီးရှိတာနော်။ touristတွေ မဖြစ်မနေ လည်ပတ်သင့်တဲ့နေရာပဲ။ ကျွန်တော်တို့ ဒီည ဒီကထိပ်တန်းစားသောက်ဆိုင်ကို သွားရအောင်"
ဖူဟန် မျက်မှောင်ကြုတ်ရင်း "အခု နေရာတစ်ခုလုံးကို ဘွတ်ကင်တင်ဖို့ အရမ်းနောက်ကျနေပြီ"
"Private ညစာ? ကျွန်တော်တို့ သာမန်ဧည့်သည်တွေလို စားလို့မရဘူးလား"
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
