Unicode
ယွီကျစ်ယွီ တံခါးဆီလျှောက်သွားတာနဲ့ တံခါးက အလိုအလျောက် ပွင့်သွားခဲ့သည်။
"နောက်ထပ် system alarmလား?"
ယွီကျစ်ယွီ မထူးဆန်းသလိုမေးလိုက်၏။
"မဟုတ်ဘူး၊ ကိုယ် မင်းကို စောင့်နေတာ"
"တကယ်လား"
ယွီကျစ်ယွီတစ်ယောက် အံ့သြသွားပြီး "ဘာလို့လဲ"
ဖူဟန်က ဘာမှမပြောဘဲ သူ့ကို စာရေးစားပွဲဆီ ခေါ်သွားသည်။
စားပွဲပေါ်မှာ ကိုယ်ရေးကိုယ်တာ မှတ်တမ်းဖိုင်တစ်ခု ပွင့်လျက်သားရှိနေပြီး ဓာတ်ပုံထဲကလူကတော့ ဆံပင်တိုညှပ်ထားတဲ့ ယိချန်မှန်း သိသာ၏။
ယွီကျစ်ယွီက တောင့်ခနဲရပ်သွားပြီး "သူ့ကို ရှာတွေ့ပြီလား"
"သူက လူရမ်းကားတစ်ယောက်ပဲ။ စိတ်ပျက်စရာကောင်းပေမယ့် ကြီးမားတဲ့ပြစ်မှုမျိုးတော့ မကျူးလွန်ဖူးဘူး။ ပြီးခဲ့တဲ့နှစ်က သူက ကားပေါ်မှာ အလောင်းတစ်လောင်း သယ်တင်ထားတာ တွေ့တယ်လို့ ရဲတွေကို သတင်းပို့ခဲ့ပေမယ့် အရက်မူးပြီး သတင်းအမှားပို့တယ်ဆိုပြီး သတ်မှတ်ခံခဲ့ရတယ်"
ယွီကျစ်ယွီမှာ ရဲရင့်တဲ့အကြံတစ်ခု ရသွားပြီး "အဲဒီအလောင်းက ကောင်းကျန့်ပေါ် ဇနီးဟောင်းရဲ့ အလောင်း ဖြစ်နိုင်လား"
"အင်း ယိချန် သတင်းပို့တဲ့အချိန်နဲ့ ကောင်းကျန့်ပေါ်ရဲ့ ဇနီးဟောင်း ပျောက်ဆုံးသွားတဲ့အချိန်က အတူတူလောက်ပဲ"
"ဇနီးဟောင်းမှာ အားတိလို့ခေါ်တဲ့ သားတစ်ယောက် ရှိတယ်မလား"
ဖူဟန် အံ့သြသွားပြီး "မင်းဘယ်လိုသိလဲ"
ယွီကျစ်ယွီက သဘောပေါက်သွားပြီး "ယိချန် ကျွန်တော့်ကို ပြောပြတာ။ ကောင်းကျန်ပေါ်ရဲ့ ဇနီးဟောင်းက သားကောင်ဖြစ်ပြီး အားတိ ဆိုတဲ့ ကလေးတစ်ယောက် ကျန်ခဲ့တယ်။ ယိချန်က မျက်မြင်သက်သေပဲ။ သူတို့နှစ်ယောက်စလုံးက ဖူရွင်း စောင့်ကြည့်တာကိုခံနေရတာ။ စီနီယာက သူတို့ကို အန္တရာယ်မဖြစ်စေချင်လို့ ကူပြီး ဖုံးကွယ်ပေးထားတာပဲ"
အချက်အလက်တွေ အများကြီးထဲမှာမှ ဖူဟန်က အဓိကအချက်ကို သတိထားမိသွားတုန်းပင်။
"မင်း ယိချန်ကို ဘယ်တုန်းက ဆက်သွယ်လိုက်တာလဲ"
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
