ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်

Ep - 6

Unicode

အခန်း (၆) နိုးထခြင်း

စေ့စပ်ပွဲပျက်ပြီးတဲ့နောက်မှ ယွီကျစ်ယွီ သူ့ကိုလာဝန်ခံကြောင်းကို စကားဝိုင်းကနေ ဖူဟန် သိခဲ့ရသည်။

သူ ဂရုမစိုက်ဘူး၊ လူနာဆောင်မှာ အသံကြားရတာ ကောင်းတယ်လို့ပဲ သူထင်၏။ သူ နှစ်ဝက်လောက်ထိ သတိမေ့မြောသွားပြီးနောက် လူတော်တော်များများက သူပြန်မနိုးတော့ဘူးဟု ထင်ကြပြီး သူ့ဆွေမျိုးတွေနဲ့သူငယ်ချင်းတွေက လာလည်တာကိုရပ်တန့်လိုက်ကြတယ်၊ သူ့အရင်းနှီးဆုံးဦးလေးကတော့ "အလုပ်ရှုပ်နေလို့ ခဏ,ခဏ မလာနိုင်ကြဘူး" လို့ပြောလေ့ရှိသည်။

ဖူဟန်ကတော့ လူနာဆောင်မှာ တစ်ယောက်ထဲ လဲနေရသည်။ ခြေလှမ်းတွေ၊ လေအေးပေးစက်သံ၊ တံခါးအဖွင့်အပိတ်တွေနဲ့ တစ်ခြားအသေးအဖွဲ့လှုပ်ရှားမှုတို့ကို သူအမြဲကြားနေရသည်။ အများစုမှာအဆိုင်းပြောင်းသည့်အခါ ဆရာဝန်နဲ့သူနာပြုတို့ရဲစကားစမြည်တို့နဲ့ သူနာပြုများ လာကြည့်သည့်အခါ ဖွင့်ထားသည့် သီချင်းသံတို့ပင်။

ဆရာဝန်နှင့်သူနာပြုများသည် စကားသိပ်များများမပြောကြပါ။ သူနာပြုများဖွင့်သည့် သီချင်းသံသာရှိသည်။

ဖူဟန် အရမ်းပျင်းနေခဲ့ပြီး ခေါင်းတလားထဲတွင်  လဲလျောင်းနေရသလို ခံစားရသည်။ ခေါင်းတလားထဲတွင်ပင် ချင်မင်းတွင် ဝတ်ပြုသူများပြောသည့်စကားကို ကြားနိုင်သည်။သူကရော? သူ့ဦးလေး သူ့ဆီနောက်ဆုံးအကြိမ်လာခဲ့တာက လွန်ခဲ့သောနှစ်လ,ကပင်။

[T/N - ချင်မင်း>> သေလွန်သူတို့အား ငိုကြွေးမြည်တမ်းသောနေ့]

ကံကောင်းထောက်မစွာဖြင့်...ယွီကျစ်ယွီပေါ်လာခဲ့ပြီး သူတစ်ယောက်တည်း စကားတွေ အကြာကြီး ပြောခဲ့တယ်။

ဖူဟန် အလွန်ပျော်နေပြီး ယွီကျစ်ယွီ နောက်တစ်ကြိမ် ပြန်လာမည်ဟုပင် မျှော်လင့်နေမိသည်။ သူ့ဦးလေးက လူကိုမောင်းထုတ်နေတာကို ကြားခဲ့သောကြောင့် ယွီကျစ်ယွီကို လက်ခံဖို့ နောက်ကွယ်ကနေ အကောင်းဆုံး သူကြိုးစားခဲ့သည်။

ထိုအချိန်တွင် ဖူဟန်သည် နှလုံးသားထဲတွင် ရွင်မြူးနေခဲ့သည်။