Unicode
ယွီကျစ်ယွီတစ်ယောက် သူနာပြုပေးလိုက်တဲ့ လိမ်းဆေးက အတော်လေးထိရောက်ကြောင်း သတိထားမိသွားသည်။ ထို့ကြောင့် သူ ကန့်လန့်ကာတစ်ခု ငှားလိုက်ပြီး နောက်ဘက်ကိုသွားကာ အဝတ်အစားတွေကိုချွတ်ပြီး သူကိုယ်တိုင် ဆေးလိမ်းတော့သည်။
ဖူဟန်ရောက်လာတော့ ယွီကျစ်ယွီက ကန့်လန့်ကာနောက်မှာဆိုတာကို ကြားသဖြင့် ဝင်သွားလိုက်သည်။ ဝင်သွားတာနဲ့ သူ့ရဲ့ ဖြူဖွေးနေတဲ့ ကိုယ်လုံးလေးကို မြင်လိုက်ရပြီး မျက်လုံးတွေတောင် ကျိန်းစပ်သွားရ၏။
ယွီကျစ်ယွီသည် ခြေသံတွေကို ကြိုကြားထားတာမို့ လုံးဝအထိတ်တလန့်မဖြစ်သွားဘဲ ခေါ်လိုက်သည်။
"လောင်ကုန်း, ကျွန်တော့်ကို ဆေးကူလိမ်းပေးပါဦး။ ကျွန်တော် ကျောကို လက်လှမ်းမမီဘူး"
"အင်း၊ ဒီလိုဆိုရော အဆင်ပြေရဲ့လား"
ဖူဟန်သည် ယွီကျစ်ယွီရဲ့ အခြေအနေက တော်တော်ဆိုးနေတာကို တွေ့တော့ ရုတ်ချည်း စိတ်တည်ငြိမ်သွားရသည်။ သူ လိမ်းဆေးကိုယူလိုက်ပြီး ကူလိမ်းပေးကာ နှိပ်နယ်ပေးလိုက်သည်။
"အဆင်ပြေတယ်! တအားကို ပြေတယ်! အီးဟီးဟီး ကျွန်တော့်ကို ကုတ်ပေးလို့ရမလား"
"မရဘူး၊ မင်းဘာတွေစားခဲ့တာလဲ"
ယွီကျစ်ယွီက ဘယ်လိုပြောရမှန်းမသိတာမို့ အဲဒီ မဆီလျော်သော မုန့်မိသားစုလိုက်ပုံတွေကို ပြလိုက်သည်။
"ဒါတွေ"
ဖူဟန်က နဖူးကို တွန့်ချိုးလိုက်ပေမယ့်လည်း စိတ်ကို တည်တည်ငြိမ်ငြိမ်ထိန်းချုပ်ထားနိုင်တုန်းပဲ။
"အရည်အသွေးမကောင်းလို့များလား"
"စစ်ဆေးကြည့်မှပဲ သိမယ်။ အိုင်း... ကျွန်တော် နာနတ်သီးနဲ့ ဓာတ်မတည့်တာကို တကယ်မသိခဲ့ဘူး... အရမ်းယားတာပဲ"
"တခြားအကြောင်း စဉ်းစား"
ဖူဟန်က ဆေးလိမ်းပေးတဲ့ အရှိန်ကို မြှင့်လိုက်သည်။
ယွီကျစ်ယွီလည်း တကယ်ပဲ တခြားအကြောင်းအရာကို စဉ်းစားလိုက်သည်။
"ကျွန်တော် စီနီယာရဲ့ ဒိုင်ယာရီထဲက patternကို ရှာတွေ့ပြီ။ အတုအယောင် ဒိုင်ယာရီက တကယ့်နေရာတွေကို ညွှန်ပြနေတာ"
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
