Unicode
အခန်း (၂၈) အမှန်တရား
ဖူဟန်က သူ့အဒေါ်ကို မတွေ့တာကြာပြီဖြစ်သော်လည်း သူမရဲ့စိတ်နေသဘောထားကို သတိရနေတုန်းပါပဲ။
ရှန်ကျူးယွင်က အဟုတ်ကို ရှေးရိုးဆန်သူတစ်ယောက်။ လမ်းပေါ်မှာ အတွဲတွေဖက်နေတာမြင်သောအခါ သူမမျက်မှောင်ကြုတ်ထားခဲ့၏။ သူမရဲ့သား အသက်၁၆နှစ်နဲ့ ရည်းစားထားသည်ကို ရှာတွေ့ချိန်တွင် သူမရဲ့ ပထမဦးဆုံးတုံ့ပြန်မှုမှာ အမှန်ကိုပြုပြင်ပေးပြီး ထိုအသက်အရွယ်နဲ့လိုက်ဖက်သော အရာများ ပြုလုပ်သင့်သည်ဟု ပြောဆိုခဲ့သည်။ ထိုအချိန်က ငယ်ရွယ်နေဆဲဖူဟန်သည်လည်း တီဗွီတွေ၊စာအုပ်တွေကဲ့သို့သော အရာများကို ဖူဟန်၏စာလေ့လာမှုမှာ အနှောင့်အယှက်ဖြစ်မှာစိုးသောကြောင့် တင်းကြပ်စွာ ထိန်းချုပ်ခံခဲ့ရသည်။
နောက်ပိုင်းတွင် ဖူဟန်သည် အလုပ်လုပ်ရာမှာ အစွဲအလမ်းကြီးလာပြီး ပါတနာရှာဖို့ စိတ်မဝင်စားတော့ပေ။ ထိုသို့ဖြစ်ရခြင်းမှာ ရှန်ကျူးယွင်ကြောင့်ဟု ဖူဟန်ရဲ့အမေ ရင်းရှောင်ယွဲ့ပြောလေ့ရှိသည်။ သူမက ငွေကြေးကိုသာအလိုရှိပြီး ပုံမှန်မဟုတ်သော(သူမ၏) အိမ်ထောင်ရေး၏အကျိုးသက်ရောက်မှုကိုတော့ မစဥ်းစားခဲ့ပေ။
ဖူဟန်က ရှန်ကျူးယွင် မှန်တယ်လို့ မထင်ပေမယ့် ရှန်ကျူးယွင်၏ အတွေးအခေါ်ကိုတော့ လေးစားနေဆဲပါပဲ။
သူ မမျှော်လင့်ထားသည်က ဆယ်နှစ်ကြာပြီးနောက် ရှန်ကျူးယွင်က လျှို့ဝှက်ဆန်းကြယ်သောအပြုံးကိုဆောင်ကာ "အန်တီ နားလည်ပါတယ်"ဟုပြောပြီး ယွီကျစ်ယွီကိုလည်း ငရုတ်သီးစားဖို့မပေးကြောင်း ပြောနေခဲ့၏။
ဖူဟန်က သူ့ကိုယ်ရေးကိုယ်တာကိစ္စအကြောင်း ထပ်မပြောချင်တော့ပေမယ့် ရှန်ကျူးယွင်၏ထိုပုံစံကိုမြင်တော့ "မနေ့ညက ဘာမှမဖြစ်ခဲ့ဘူး" လို့ ပြောဖို့ကလွဲပြီး ရွေးချယ်စရာမရှိတော့ဘူး။
ရှန်ကျူးယွင် ခဏလောက် အံ့အားသင့်သွားပြီး သူမမျက်နှာတွင် စိုးရိမ်မှုပေါ်လာသည်။
"မမတ်နိုင်သေးဘူးလား"
ဖူဟန်: ''.....''
အဲ့ဒါ မလုပ်နိုင်ဘူးလို့ မဆိုလိုပါဘူး။
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
