Ep- 94
Unicode
ဖူဟန်သည် ယွီကျစ်ယွီတစ်ယောက် သူ့လက်ကို လှုပ်ရမ်းရင်း စိတ်ပျံ့လွင့်စွာ တကျည်ကျည်လုပ်နေတဲ့အသံလေးကို နားထောင်ရင်း အံ့သြစရာကောင်းစွာ ငြိမ်းချမ်းနေခဲ့သည်__သူနဲ့မခွာပြဲနိုင်မှတော့ တတ်နိုင်သလောက် အတူတူနေကြရအောင်ကွာ။
ယွီကျစ်ယွီက သူ့လက်ကို အကြာကြီးမဆွဲထားဘဲ ခွေးဝါသနာရှင် ဗီဒီယိုတွေကို စတင်ရှာဖွေပြီး ကြည့်တော့တယ်။
"ယွီကျစ်ယွီ"
ဖူဟန် ခေါ်လိုက်ပြီး "မင်း ကိုယ့်ကိုမရှင်းပြတော့ဘူးလား"
သူ့နာမည်ပြည့်ခေါ်သံကြားတော့ ယွီကျစ်ယွီ ခိုက်ခိုက်တုန်သွားခဲ့သည်။
"ရှင်းပြဖို့? ခင်ဗျား သိချင်တဲ့ဟာတိုင်း မေးရုံနဲ့တင် ကျွန်တော် သေချာပေါက်ပြန်ဖြေပေးမှာ"
"ဘာလို့ ဖူလီဖန်က မင်းလာမယ်လို့ထင်နေရတာလဲ?"
"CET- 4 အစမ်းစာမေးပွဲပြီးတော့ ကျွန်တော်တို့ အတန်းဖော်တွေနဲ့ အဖြေစာရွက်လဲပြီး အမှတ်စစ်ရတယ်။ အဲ့တာကို ကျိချီကွမ်းက အခွင့်ရေးယူပြီး ကျွန်တော့်အဖြေလွှာမှာ "နေရာဟောင်းမှာ တွေ့ကြမယ်"လို့ ရေးခဲ့တယ်လေ။ ကျွန်တော် ပြန်ဖျက်လိုက်ပေမယ့် ဖူလီဖန်က သူ့ကိုယ်သူ အထင်ကြီးပြီး ကျွန်တော်လာမယ်လို့ ထင်နေတာ"
ဖူဟန် ထပ်မေးလာတယ်။
"ဒါက နေရာဟောင်းလား"
"ကျွန်တော်မသိဘူး။ အဲ့တာ ယွီကျစ်ယွီနဲ့ဖြစ်ခဲ့တာ"
ဖူဟန် လေးလေးနက်နက် စဥ်းစားကာ "မင်း ဘာမှမသိဘူးလား?"
"ကျွန်တော် နည်းနည်းတော့သိတယ်။ နှုတ်ပြောယှဥ်ပြိုင်ပွဲလိုဟာမျိုးပေါ့။ အဲ့နေ့က ဖူရွင်း ဖုန်းပြောနေတာကို ယွီကျစ်ယွီကကြားသွားခဲ့.....ကျွန်တော် သူ့ကိုစီနီယာ*လို့ခေါ်တာ ပိုကောင်းမယ်။ သူက ဖူရွင်း ခင်ဗျားကို ထိခိုက်အောင်လုပ်ခဲ့တာကို နားစွန်းနားဖျားကြားသွားခဲ့တယ်။ သူ အရမ်းကြောက်နေတော့ ဖူလီဖန်က တစ်ခုခုမှားနေတာကို သတိထားမိသွားတယ်။ အဲ့ဒီအချိန်က ဖူလီဖန်က အများကြီးဘာမှမမေးခဲ့ဘဲ အခုကျမှ ရုတ်တရက်ကြီး လာမေးနေတယ်။ သူ တစ်ခုခုသိသွားတာ သေချာသလောက်ပဲ"
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
