Double update! Please make sure to read previous chapter!
Unicode
အန်တီက ဖုန်းကို အမြန်ပဲကိုင်ပြီး သူမအသံက နူးညံ့နေတယ်။
"ရှောင်ယွီ, ဘာဖြစ်လို့လဲ?"
ယွီကျစ်ယွီသည် နေရာမှာအလွန်တိတ်ဆိတ်နေသည်ကို သတိပြုမိပြီး "အန်တီ, လက်ရေးလှလေ့ကျင့်နေတာလား?"
"မဟုတ်ဘူး။ အန်တီ အမွှေးနံ့သာရှို့ဖို့သွားနေတာ"
"..ဟင်?"
ယွီကျစ်ယွီ အံ့အားသင့်သွားပြီး "အန်တီ အပြင်မှာလား?"
"ဟုတ်တယ်၊ ဖူဟန်ပြောတာက မင်းတို့နှစ်ပတ်လည်က မနက်ဖြန်ဆို၊ အန်တီ မီးသီးမဖြစ်ချင်ဘူးလေ။ ဒီမှာက တိတ်ဆိတ်ပြီး လုံခြုံတဲ့အတွက်ကြောင့် အန်တီ့အတွက် စိတ်ပူနေစရာမလိုဘူးနော်။ မင်းအချိန်တွေကို ဖူဟန်နဲ့နှစ်ယောက်တည်းသာဖြုန်း"
ဘာနှစ်ပတ်လည်လဲ? သူ ဘယ်လိုလုပ်မသိရတာလဲ?
ဖူဟန်ရဲ့ပြင်ဆင်ထားမှုအပေါ် ယွီကျစ်ယွီရဲ့ ပထမဦးဆုံးတုံ့ပြန်မှုက ကြောက်ရွံ့မှုကြောင့် တုန်ရီသွားတာပဲ။
ဘုရားရေ၊ ဖူဟန်က တကယ်ကို အန်တီ့ကို ပ,ထုတ်ထားတာပဲ။ သူ့ကို တစ်ယောက်တည်းထားပြီး သတ်ချင်နေတာ သိသာတယ်။
သူ အိမ်မပြန်ရဲတော့ဘဲ အန်တီ့ကိုပြောလိုက်သည်။
"ကျွန်တော် စိုးရိမ်လို့၊ အန်တီ့ဆီလာချင်တယ်"
အန်တီက ပြုံးပြီး "ဒီမှာ ဘာစိုးရိမ်စရာရှိလို့တုန်း?"
"ကျွန်တော်လည်း ဘုရားကျောင်းလာပြီး ဝတ်ပြုချင်လို့"
"အတန်းတတ်စရာမရှိဘူးလား?"
ယွီကျစ်ယွီ ချက်ချင်းပဲ ပြောလာတယ်။
"အန်တီ ခွင့်တိုင်ပေးလို့ရတယ်! အန်တီ အလိုရှိသလောက် ရက်ကြာအောင် ကျွန်တော်နေပေးနိုင်တယ်!"
ရှန်ကျူးယွင်က သဘောမတူဘူး။
"အဲ့ဒါ မကောင်းဘူး"
ယွီကျစ်ယွီ အသက်ပြင်းချလိုက်ပြီး သနားစဖွယ် စ,သရုပ်ဆောင်တော့သည်။
"အဲ့ဒါ မကောင်းမှန်း ကျွန်တော် သိပါတယ်၊ ဒါပေမယ့် မကြာသေးခင်ကမှ အဖြစ်အပျက်တွေ အများကြီးဖြစ်ခဲ့ပြီး စိတ်ဓာတ်ကျသလို ခံစားရနေတယ်။ လက်ရှိအခြေအနေအရ ကိုယ့်ဘာသာကိုယ် ဆက်လေ့လာဖို့ အတင်းအကြပ်လုပ်ရင် ရလဒ်ကောင်းတွေ ရှိလာမှာ မဟုတ်ဘူး။ ကျွန်တော် ကျွမ်းကျင်သူနဲ့ စကားပြောချင်တယ်"
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
