Unicode
"ကျွန်တော်လည်း မသိဘူး၊ ဖူရွင်း အိမ်မှာ တွေ့ခဲ့တာ"
ယွီကျစ်ယွီက ဒိုင်ယာရီအကြောင်း မပြောချင်တာကြောင့် မသဲမကွဲသာ ဖြေလိုက်သည်။
ဝေဟုန်ဝေ့က ဒါကို မြင်တော့ ဖူဟန်ကို လှမ်းကြည့်လိုက်သည်။
ဖူဟန် ခေါင်းညိတ်ပြလိုက်ပြီး "အကူအညီအတွက် ကျေးဇူးပါ"
"အိုး, ကိစ္စမရှိပါဘူး၊ ဒါဆို ငါ ကြည့်လိုက်ပါ့မယ်"
ဝေဟုန်ဝေ့က သဘောတူလိုက်ပြီး "မင်းတို့လည်း ဖူလီဖန်ကို ဂရုစိုက်ထားပေးဦး"
ယွီကျစ်ယွီက ဆေးရုံမသွားခင်က အဖြစ်အပျက်ကို ရုတ်တရက် သတိရသွားသည်။ အဲဒီတုန်းက ဖူလီဖန် ရုတ်တရက်ကြီး ပေါ်လာခဲ့ပြီး မြေကြီးပေါ် ဖိထားခံရတောင်မှ သူက စကားပြောနေတုန်းပဲ။ ဒါပေမဲ့ ဒီအကြောင်းကို ပြောရင် အဖြစ်အပျက် နေရာကိုပါ ထည့်ပြောရမှာဖြစ်ပြီး ယိချန်ပါ ပေါ်သွားနိုင်သည်။
ယိချန်က သိုသိုသိပ်သိပ်နေချင်တာမို့ သူက ဒီလိုမျိုး ခွင့်ပြုချက်မရှိဘဲ လုပ်လိုက်ရင် မသင့်တော်ဘူး။
ယွီကျစ်ယွီသည် သူ ဖူလီဖန်ရဲ့ overseas account အကြောင်း ကြားခဲ့တာကိုလည်း သတိရလိုက်သည်။ ဒါပေပေမဲ့ overseas accountရဲ့ နာမည်နဲ့ နံပါတ်ကို သူ မသိဘူး။ ဖူဟန်တောင်မသိသောကြောင့် သူ ပြောချင်ရင်တောင် ပြောလို့မရပေ။
ယွီကျစ်ယွီ ထိုအကြောင်း စဉ်းစားလိုက်ပြီး ဘာမှ မပြောနိုင်ဘူးဟု ခံစားလိုက်ရသည်။ ထို့ကြောင့် သူ ပြန်ဖြေရမည့်အစား ပြန်မေးလိုက်သည်။
"ဖူလီဖန်ကို ဘာလို့ စောင့်ကြည့်ခိုင်းတာလဲ"
"ဖူရွင်းက ဖူလီဖန်ကို နိုင်ငံခြားပို့ချင်နေတာ နည်းနည်းထူးဆန်းတယ်။ ဒါက ပြောင်းလဲမှုတစ်ခု ဖြစ်နိုင်တယ်လို့ ငါတို့ ထင်လို့"
ဖူဟန် ရုတ်တရက် ဝင်ပြောလိုက်သည်။
"ခင်ဗျားပဲ စုံစမ်း၊ သူက ဖူလီဖန်နဲ့ နီးစပ်ဖို့ မသင့်တော်ဘူး"
ဝေဟုန်ဝေ့က ရယ်လိုက်ပြီး "ငါ သိပါတယ်၊ ငါ ဆိုလိုတာက ဖူလီဖန် ထပ်လာပြီး စိတ်အနှောင့်အယှက်ပေးရင်၊ ဒါမှမဟုတ် တစ်ခုခု လုပ်ရင် ငါတို့ကို ပြောဖို့ပါ။ မင်းရဲ့ ရည်းစားကို ငါးစာအဖြစ်သုံးဖို့ ဆိုလိုတာမဟုတ်ပါဘူး။ မနာလိုမဖြစ်ပါနဲ့ကွာ"
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
