ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်

Ep - 71

Unicode

ပိုင်ယွီက လက်တွေ့ဆန်ပြီး ခေတ်နောက်ပြန်စတိုင်ဖြင့် ဆုများစွာရထားသော ဓာတ်ပုံဆရာတစ်ဦးဖြစ်ပြီး သူ့ရဲ့ဓာတ်ပုံအရည်အသွေးမှာ ထိပ်တန်းသာမကဘဲ လူထုရဲ့အမြင်မှာလည်း ဂုဏ်သတင်းမြင့်သောသူဖြစ်သည်။ ပိုင်ယွီသည် မသမာသော ကုမ္ပဏီတွေရဲ့ မကောင်းမှုဆောင်ရွက်ချက်တွေကို ဖော်ထုတ်ပြသခဲ့ပြီး သူ့ပုံတွေကို ခေတ်ရေစီးကြောင်း မီဒိီယာများကတောင် ယူသုံးခဲ့ကြသည်။ ရလဒ်အနေနဲ့ လူတွေဟာ ပိုင်ယွီရဲ့အမည်ကို မကြားဖူးရင်တောင် သူ့ပုံတွေကိုတော့ မြင်ဖူးခဲ့​တဲ့သူတွေချည်း။

ယွီကျစ်ယွီက ဓာတ်ပုံဆရာ အများကြီးကို ကြိုက်ပေမယ့် ပိုင်ယွီ၏ "လူမှုရေးဆိုင်ရာဖြစ်ရပ်မှန်ကို ဖော်ထုတ်ခြင်း" ကြောင့် နောက်ဆုံးတွင် သူ့ကိုရွေးချယ်ခဲ့သည်။

ပိုင်ယွီက ဒီဓာ​တ်ပုံတွေကို ရိုက်နိုင်မှတော့ သူ့မှာလည်း သူ့ကိုယ်ပိုင်အဆက်အသွယ်တွေရှိရမည်။ သူသည် သက်သေအထောက်အထားများကို မည်သို့စုဆောင်းရမည်ကို နားလည်ရန် ကြိုးစားလိုသည်၊ ဒါမှမဟုတ် ဖူရွင်းတွင် ဘယ်လိုမည်းနက်သောအရာများရှိကြောင်းကိုလည်း တိုက်ရိုက် ရှာဖွေစုံစမ်းလိုသည်။

သူ့မှာ ဒီအကြံအစည်ရှိပေမယ့် အစိမ်းသက်သက်ကြီး ဒီလိုလေးနက်တဲ့အရာတွေကိုပြောဖို့ ပိုင်ယွီရဲ့ ယုံကြည်မှုကို ရနိုင်မှာမဟုတ်ဘူး။ ထို့ကြောင့်ပဲ သူ ဓာတ်ပုံဝါသနာရှင်တစ်ယောက်အနေနဲ့ ပိုင်ယွီရဲ့အနားကို ချဥ်းကပ်ပြီး ပိုင်ယွီကိုတွေ့တာနဲ့ သက်တံ့လေပန်းပြီး မြှောက်ပင့်ပေးလိုက်သည်။

[T/N - ဒီမှာပိုင်ယွီကို ယွီကျစ်ယွီခေါ်တဲ့အသုံးအနှုန်းက Eမှာက Masterတလှည့် great masterတလှည့်သုံးနေတာကြောင့် rawအတိုင်း တာ့ရှစ်လို့ပဲရေးပါမယ်နော်။ မြန်မာမှုပြုရင်တော့ ဆရာကြီးပါ။]

"တာ့ရှစ်၊ ကျွန်တော် နောက်ဆုံးတော့ ခင်ဗျားကိုတွေ့ရပြီ။ ခင်ဗျားက သတင်းမှာရေးထားတာထက် အပြင်မှာ ပိုကြော့ရှင်းတာပဲ...ဒီလက်က ဓာတ်ပုံကောင်းတွေအများကြီး ရိုက်ထားတဲ့လက်လား? ဝိုး..ကျွန်တော် ကြည့်ရုံနဲ့ ဘုန်းတန်ခိုးတွေ ခံစားမိနေတယ်ရော်....အာ? ခင်ဗျား ဘာလို့ ဘာမှမပြောပဲ ကျွန်တော့်ကို ကြည့်နေတာလဲ? ခင်ဗျား ဓာတ်ပုံရိုက်တဲ့အချိန်မှာလည်း အဲ့လိုပဲ စိုက်ကြည့်တတ်တာလား? ဒါဆို ကျွန်တော်က အဲ့ဒီအနုပညာလက်ရာတွေကို ဆက်ဆံတဲ့အတိုင်း ထပ်တူခံစားခွင့်မရဘူးလား? ဝူးဝူး အရမ်းပျော်တာပဲ"