ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်

Ep - 92

Unicode

အခန်း (၃၄) Cannon Fodder

ဖူလီဖန်၏အော်သံက သက်တော်စောင့်အားလုံးကိုစွဲဆောင်သွားသည်။

သက်တော်စောင့်ခေါင်းဆောင်က အပြေးရောက်လာပြီး ဖူဟန်နဲ့ယွီကျစ်ယွီ ဘေးကင်းနေတာမြင်တော့ သက်သာရာရစွာ အသက်ပြင်းချမိသွားသည်။ ထို့နောက် ခွေးကိုက်ခံနေရလို့ မြေကြီးပေါ်လှိမ့်နေတဲ့ လူတစ်ယောက်ကို သူ တွေ့လိုက်ရ၏။ မည်သူလဲ သူမမြင်နိုင်တာကြောင့် အများကြီးမတွေးဘဲ ရှေ့သို့သွားကာ ကူညီပေးလိုက်သည်။

ယွီကျစ်ယွီက ဖူလီဖန်ကို ခွေးကိုက်ခံရပြီး မသေစေချင်သောကြောင့် တာ့ဟွမ်ကိုအော်ခေါ်လိုက်သည်။
"တာ့ဟွမ်, ပြန်လာခဲ့"

တာ့ဟွမ်က နာခံမှုရှိလှသည်။ သူ လွှတ်ပေးလိုက်ပြီး ဂုဏ်ယူဝံ့ကြွားတဲ့ ခြေလှမ်းလေးတွေနဲ့ ပြန်လာခဲ့တယ်။

ယွီကျစ်ယွီသည်လည်း ရှင်းမပြနိုင်လောက်အောင် ဂုဏ်ယူမဆုံးဖြစ်နေ၏။ သူ တာ့ဟွမ်ကို ခေါင်းလေးပွတ်ပေးပြီး ချီးမွမ်းပေးဖို့ရန် ရှေ့သို့သွားတော့မလို့ပင်။ ခြေနှစ်လှမ်းလှမ်းပြီးနောက် သူ့ဘေးမှာမှာရပ်နေတဲ့ဖူဟန်ဆီမှ အတားခံလိုက်ရလေသည်။
"ဘာဖြစ်လို့လဲ?"

ဖူဟန်က ယွီကျစ်ယွီရဲ့လက်ကို အရင်ကိုင်လိုက်ပြီး သူ မပြေးနိုင်မှန်းသေချာစေပြီးမှ ဆိုလာချေသည်။
"အန္တရာယ်များတယ်၊ သက်တော်စောင့်တွေ ကိုင်တွယ်ပါစေ"

ယွီကျစ်ယွီ လှမ်းကြည့်လိုက်တော့ သက်တော်စောင့်တွေက တာ့ဟွမ်အနား ရောက်နှင့်နေပြီဆိုတာ တွေ့လိုက်ရတယ်။ သူတို့ထဲကတစ်ယောက်က ဖူလီဖန်ကို သွားကြည့်နေတုန်း၊ နောက်တစ်ယောက်ကတော့ ကြိုးကိုကိုင်ကာ တာ့ဟွမ်ကို ဘယ်လိုဖမ်းရမလဲ တွေးတောနေခဲ့သည်။

တာ့ဟွမ်က အရမ်းကိုနာခံမှုရှိသည်။ သူက ထိုင်ချလိုက်ပြီး သက်တော်စောင့်ကို စိတ်အားထက်သန်စွာ ကြည့်လိုက်သည်။ ကြိုးကိုလာပတ်တဲ့အခါ သူ့ခေါင်းလေးကိုတောင် ဆန့်ထုတ်ပေးလာ၏။

သက်တော်စောင့်က တာ့ဟွမ်ကို ခက်ခက်ခဲခဲမဖြစ်စေဘဲ အရမ်းတင်းတင်းကျပ်ကျပ် မချည်နှောင်ထားတော့ပေ။