Unicode
အခန်း (၂၉) Passion
ဖူဟန် အခန်းကိုစောင့်ကြည့်နေလိမ့်မည်ဟု ယွီကျစ်ယွီတွေးမိချိန်တွင် သူ ဓာတ်ပုံတွေကို ထပ်အာရုံမစိုက်နိုင်တော့ဘူး။ ပိုင်ယွီကို တောင်းပန်စာတစ်စောင်ပို့လိုက်ပြီး ထုတ်ပိုးပြီးနောက် သက်တော်စောင့်ဆီသွားကာ အိမ်ပြန်ဖို့ရန်ပြင်ဆင်လိုက်သည်။
တုံယန်အဆောက်အဦးရှိ လုံခြုံရေးအစီအမံများသည် အတော်လေး ပြီးပြည့်စုံသည်။ သက်တော်စောင့်တွေက ပိုင်ယွီရဲ့ စတူဒီယိုထဲကို အတင်းဝင်လို့မရဘဲ တံခါးအပြင်မှာပဲ စောင့်နေရသည်။ ကြံ့ခိုင်သော အမျိုးသားတစ်ဖွဲ့ တံခါးဝမှာ ရပ်နေသောကြောင့် ပထမပိုင်းတွင် ထိတ်လန့်တကြားဖြစ်သွားစေခဲ့သည်။ ထို့ကြောင့် သက်တော်စောင့်တွေဟာ သူတို့ရဲ့လေးနက်ပြီးကြမ်းတမ်းသောအမူအရာများကို ဖယ်ကာ လျော့ရဲနေသော ကုမ္မဏီဝန်ထမ်းများကဲ့သို့ ရယ်ရယ်မောမော လေပေါနေကြ၏။
သက်တော်စောင့်တွေက စိတ်အေးလက်အေးနဲ့ ဆူညံအော်ဟစ်နေသောကြောင့် ယွီကျစ်ယွီ ရုံးခန်းထဲက ထွက်လာတာကိုတောင် သတိမထားမိလိုက်ပေ။
ဒါဟာ အခွင့်ကောင်းပဲ။
ယွီကျစ်ယွီ သတိပြုမိတာနဲ့ ဆန့်ကျင်ဘက်နံရံဆီလျှောက်သွားကာ သက်တော်စောင့်တွေပြောနေတာကိုနားထောင်ရန် စတူဒီယိုတံခါးနားက အိုးစိုက်အပင်ဆီကို လေးဘက်ထောက်ကာသွားလိုက်တယ်။
သက်တော်စောင့်တွေက ဝမ်ယွင်ချန်အကြောင်း ပြောဆိုနေကြတာပင်။
"ဟာသပဲ, သူက ဖူလီဖန်ရဲ့ဂရုစိုက်ခံရတာနဲ့ ငါတို့ရတဲ့ငွေက တရားမဝင်ဘူးလို့ပြောတယ်"
"သူတို့ရဲ့သက်တော်စောင့်က တရားမဝင်တဲ့အတွက်ကြောင့် ကမ္ဘာပေါ်မှာရှိတဲ့သက်တော်စောင့်တွေအားလုံး တူတူပဲလို့ ထင်နေကြတာလေ"
"ဘာလို့ ဘော့စ်က သူ့ကိုအထဲဝင်ဖို့ ငါတို့ကိုခွင့်ပြုခိုင်းရတာလဲ? သူက blacklistထဲမှာ မဟုတ်ဘူးလား?"
"ဘယ်သူသိမှာလဲ? ဘော့စ် ပြောတဲ့အတိုင်းသာ လုပ်စမ်းပါ၊ အမြင်မရှိတဲ့ တာ့ကျိုးလို လုပ်မနေနဲ့။ သူက ဝမ်ယွင်ချန်နဲ့ယွီကျစ်ယွီကို တစ်နေရာထဲမှာမြင်တာနဲ့ မျက်ကန်းတစ်ယောက်လို သတင်းသွားပို့ပြီးတော့ ကပ္ပတိန်ဆီကနေ ကြိမ်းမောင်းခံလိုက်ရတယ်လေ"
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
