Unicode
ဘယ်သွားမလို့လဲ?"
"ကုမ္ပဏီ"
ဖူဟန် ထိုသို့ပြောပြီးတာနဲ့ တူကိုကိုင်ပြီး ထမင်းဆက်စားလေ၏။ သူနဲ့စကားမဆက်ချင်တော့မှန်း သိသာ၏။
ယွီကျစ်ယွီက ဖူဟန်စားသောက်နေတာကို အနှောင့်အယှက်မလုပ်ချင်ဘူး။ သူ ဘယ်လောက်ပဲ ဆူညံနေပါစေ၊ ဖူဟန်က ကားမတော်တဆမှု အရိပ်ဆိုးကြီးကို အချိန်အတော်အကြာ ခံစားနေရတာကို သူ သတိရမိသည်။ ဖူဟန် ထမင်းကောင်းကောင်းစားနေတာကို မြင်လိုက်ရတော့ သူ ဘယ်လိုနှောင့်ယှက်နိုင်ရက်တော့မလဲ။
ပြောကာမှပဲ သတင်းထောက်ဝမ်ယိုဟွားအကြောင်း သူ ဖူဟန်ကိုမပြောရသေးဘူးပဲ။
ဝမ်ယိုဟွားရဲ့ကိစ္စက ဖူဟန်ရဲ့ဒဏ်ရာဟု ယူဆရသည့် ကားမတော်တဆမှုနဲ့ဆက်စပ်နေသည်။ ယွီကျစ်ယွီက ထုတ်မဖော်လိုက်ချင်ဘဲ ဖူဟန်ရဲ့အမူအရာကို တိတ်တဆိတ် လေ့လာနေကာ အပြုံးတစ်ချက်လေးပေါ်လာတာနဲ့ ပြောဖို့အချိန်ကောင်းရောက်ပြီပင်။
ဖူဟန်က သူ့အကြည့်ကို သတိပြုမိပြီး မျက်မှောင်ကြုတ်လိုက်၏။
ယွီကျစ်ယွီ ကတိုက်ကရိုက် သူ့အကြည့်ကို ရှောင်ဖယ်လိုက်ပြီး သူ့အစားအစာထဲမှာပဲ ခေါင်းကိုမြုပ်ထားလိုက်သည်။ ဖူဟန်ကိုတော့ဖြင့် ထပ်မံမကြည့်ရဲတော့ဘဲ သူ့ရှေ့က ဟင်းပွဲတွေကိုသာ ဝေ့ကြည့်ရဲတော့၏။
ရုတ်တရက်, ဖူဟန်ရဲ့တူချောင်း သူ့ဆီရောက်လာကာ ကြက်ကြော်နှစ်တုံးကို သူ့ပန်းကန်လုံးထဲ ထည့်ပေးလာသည်။
ယွီကျစ်ယွီ အနီးကပ်ယူကြည့်လိုက်တော့ တကယ်ကို ကြက်တောင်ပံဆိုပေမယ့် ပုံသဏ္ဍာန်သိပ်မသိသာတော့တဲ့ အရိုးဖယ်ပြီးသား ကြက်တောင်ပံဆိုတာ တွေ့လိုက်ရတယ်။
"လောင်ကုန်း, ခင်ဗျား ကျွန်တော့်အတွက် အရိုးဖယ်ပေးထားတာလား? ခင်ဗျား ဘယ်လို ကျွန်တော့်ကိုကူပြီး အရိုးဖယ်ပေးရမယ်ဆိုတာ သိတယ်! အားးးး ကျွန်တော် အရမ်းပျော်တာပဲ။ ကျွန်တော် ဓာတ်ပုံရိုက်ပြီး Wechat moments မှာတင်မယ်!"
ဖူဟန်က အချိန်မှီ တစ်ရှုူးလှမ်းပေးလာပြီး "မင်း ဖြေးဖြေးလုပ်ပါ၊ ကိုယ် အလုပ်သွားတော့မယ်"
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
