Unicode
ဖူဟန်က မွေးပြီးပြီးချင်း သတင်းမှာပါလာခဲ့သည်။ အသက်၅၀အရွယ် မစ္စတာဖူသည် အသက်၂၀အရွယ် ဇနီးနှင့်လက်ထပ်ခဲ့သည့်ကိစ္စက မြို့တော်တွင် ကာလအတန်ကြာ ဂယက်ထစေခဲ့ပြီး သားလေးတစ်ဦး မွေးဖွားလာသောအခါ ကောလဟာလများ မရေမတွက်နိုင်အောင် ဖြစ်စေခဲ့၏။
ဖူမိသားစု၏ ကြီးမားသောပိုင်ဆိုင်မှုသည် အနာဂတ်တွင် မည်သို့ခွဲဝေကြမည်ကို လူတစ်ချို့ကအမျိုးမျိုးမှန်းဆကြ၏။ ဖူမိသားစု၏ အကြီးဆုံးသခင်လေးသည် ရုတ်တရက် ပြိုင်ဖက်ဖြစ်လာမည့် ညီငယ်တစ်ဦးရှိလာသောကြောင့် သနားစရာကောင်းသည်ဟု တစ်ချို့ကဆိုလာကြသည်။ တစ်ချို့ကတော့ "ဖူဟန်က သားအရင်းရောဟုတ်ရဲ့လား" ဟု ဆိုးဝါးစွာပြောကြ၏။
အမှန်တရားကတော့ ကောလဟာလတွေနှင့် အရမ်းကိုနီးစပ်လှသည်ပင်။ ဖူရွင်းသည် ဖူဟန်အပေါ် ရန်လိုမှုအပြည့်ရှိသည်။ ဖူဟန်မွေးဖွားပြီး သိပ်မကြာခင်မှာပဲ သူ့အဖေရဲ့သားအရင်းဟုတ်မဟုတ်စစ်ဆေးခဲ့ပြီး သူကိုယ်တိုင်အတည်ပြုပြီးသားပင်။
နောက်ဆုံးရလဒ်မှာ ကန့်သတ်ချက်မရှိသော Black card တစ်ကတ်၊ အကျဥ်းချထားသောဗီလာတစ်ခုဖြင့်။ ရင်းရှောင်ရွီးရဲ့လေကြောင်းဌာနခွဲ ခေါင်းဆောင်အဖြစ် ကောင်းမွန်သောအလုပ်ကြောင့် အထူးအခွင့်အရေးအနေနဲ့ ကလေးကို သူ့မိခင်ရဲ့မိသားစုထံ ခေါ်ဆောင်လာခဲ့သည်။
ဒါပေါ့။ ဖူဟန်၏မိခင်သည် ကလေးကို သူမကိုယ်တိုင်စောင့်ရှောက်မည် မဟုတ်သည့်အပြင် သူမငှားရမ်းထားသော ကလေးထိန်းကို ဖူရွင်းက လာဘ်ထိုးမည်ကို စိုးရိမ်သောကြောင့် သူမအကြည့်တွေက ရင်းရှောင်ရွီး၏ဇနီး ရှန်ကျူးယွင်ဆီသို့ရောက်သွားလေသည်။
ရှန်ကျူးယွင်သည် နူးညံ့သိမ်မွေ့ပြီး ၆နှစ်သားကလေးကို ကောင်းမွန်စွာ သင်ကြားပေးသည်။အဒေါ်တစ်ယောက်အနေနဲ့ အခကြေးငွေယူသည့် ကလေးထိန်းထက် ပိုပြီး အာရုံစိုက်၏။
"ဖူဟန်က သူ့အဒေါ်နောက်ကို လိုက်သွားသင့်တယ်" ဟု ရင်းရှောင်ရွီးတွေးခဲ့တယ်။
ရှန်ကျူးယွင်သည် ဖူဟန်ကို အမှန်တကယ် ကြင်နာပြီး ဖူဟန်ကို ပျော်ရွင်စရာကလေးဘဝကိုပေးခဲ့သည်။
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romance#This is not my own. #Credit to original Author & English Translator. #Fun transalation.
