Unicode
သူ ဒီတစ်ခါတော့ သူ့ကာရိုက်တာနဲ့ လုံးဝမတူတဲ့ မဲနက်နေတဲ့ အဝတ်အစားကို လဲဝတ်ထားပြီး ဦးထုပ်နဲ့ နှာခေါင်းစည်းကိုလည်း တပ်ထားခဲ့သည်။ သူ သက်တော်စောင့်တွေကို အနီးအနားမှာ ပုန်းနေဖို့ ပြောပြီးမှ လမ်းကျဉ်းလေးထဲကို ခိုးကြောင်ခိုးဝှက် ဝင်သွားခဲ့သည်။
သူ ဝင်သွားလိုက်တာနဲ့ ရက်စက်တဲ့ လှောင်ပြောင်မှုနဲ့ ချက်ချင်း ရင်ဆိုင်လိုက်ရလေသည်။
"မင်း စောင့်ကြည့်ကင်မရာတွေအကြောင်း မစဉ်းစားမိဘူးလား"
ယိချန်က စားပွဲပေါ်က ကွန်ပျူတာကို လက်ညှိုးထိုးရင်း "ဒီကနေဆို အကုန်လုံး ရှင်းရှင်းလင်းလင်းမြင်ရတယ်ရယ်"
ယွီကျစ်ယွီတစ်ယောက် ကြက်သေ,သေသွားပြီး "မင်း သက်တော်စောင့်တွေကိုပါ မြင်ရတာလား"
"...အင်း"
ယိချန်က ပြန်မဖြေခင် ခဏတုံ့ဆိုင်းသွား၏။
ယွီကျစ်ယွီသည် ယိချန်၏ တစ်ဒင်္ဂ ရှုပ်ထွေးသွားမှုကို မြင်သဖြင့် ရယ်လိုက်သည်။
"ကြည့်ရတာ ငါ့အသွင်ဖျောက်မှုကအသုံးဝင်သားပဲ"
ယိချန်က ပုန်းအောင်းတဲ့ နည်းလမ်းတွေအကြောင်း ဆက်ဆွေးနွေးဖို့ကို စိတ်မဝင်စားဘူး။
"စကားများမနေနဲ့၊ ဒီကို ဘာလာလုပ်တာလဲ"
"မင်းကို ထပ်မေးချင်လို့။ မနေ့က မင်း မပြောချင်ခဲ့တဲ့ စကားတွေရော ရှိလား။ အခု ဒီမှာ ငါတစ်ယောက်တည်းပဲလေ၊ မင်း ပြောလို့ရတယ်"
"မရှိပါဘူး၊ ပြောစရာရှိတာ အကုန်ပြောပြီးပြီ။ ဘာမှမလုပ်စရာမရှိရင် မြန်မြန်ပြန်၊ ဖူဟန်ကိုပါ ဒီကို မဆွဲငင်လာစေနဲ့"
ယိချန်က ဖုန်းကစားနေရင်း စိတ်မရှည်တဲ့ဟန်နဲ့ ပြန်ဖြေလာသည်။
ယွီကျစ်ယွီ နှုတ်ခမ်းမဲ့လိုက်ပြီး "ငါ မင်းကို ကူညီခဲ့တာတောင် မင်းရဲ့သဘောထားက ဒါလား"
"မင်း အရင်တုန်းက ငါ့ကို ကူညီခဲ့ပေမယ့် အခု ငါ့ကို ပြဿနာတွေ လာပေးနေပြီ။ အခုတောင် ကြည့်လေ"
"ငါ့လောင်ကုန်းက ပြဿနာမဟုတ်ဘူး"
ယွီကျစ်ယွီက ဒါကိုတော့ ရိုးသားစွာ ယုံကြည်၏။ သူ တစ်ယောက်တည်းရှိနေချိန်မှာတောင် ဖူဟန်ဘက်ကနေ ကာကွယ်ပေးနေခဲ့သည်။
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
